ချစ်သူကို မိုးထက်မြေထက်ပို မြတ်နိုးကြောင်း
စကားလုံးတွေ နုနုရွရွနဲ့ တယောကျအောင်
မပြောတတ်ခဲ့တော့.......
ဒီလိုနဲ့ပဲ ပွင့်ပြီးသား စပယ်လေး ပြန်ငုံသွားလိမ့်မယ်။
တယုတယ မက်နေတဲ့ အိပ်မက်လေး
နှစ်နှစ်ခြိုက်ခြိုက်ပြန်အိပ်ပျော်....
လမ်းပေါ်မှာ ငါ့ခြေရာတွေပြန်ထင်ခဲ့ပြန်ပေါ့။
`နေ´မဖြစ်ခဲ့တဲ့ `လ´
`တူ´ မဖြစ်ခဲ့တဲ့ `ပေ´
ချစ်သူရေ.........ငါ ကံတရားရှေ့မှာ
မင်နီပရွပွ စာအုပ်ပိုက်ပြီး လက်ပိုက်ရပ်နေတုန်းပဲ။
`ကံဆိုတာ လူ့လက်နဲ့ ဆောက်တာပါကွာ´ ဆိုပြီး
ရွတ်ခဲ့တဲ့ ပါးစပ်လေးဟာ........
ကိုယ့်ကိုယ်ကို သော့ခတ်ပစ်လိုက်တယ်။
နွေညတွေ ချည်းပဲ တွေ့ကြုံရသူမို့
ဆောင်းညလေးကို တမ်းတရင်း
ဂစ်တာ တစ်လက်နဲ့ ပျော်ချင်သူလေး..............
ကြိုးပြတ်သွား ပြီလေး။
ချစ်သူရယ်.....
မင်းရှိတဲ့ ဒေသရပ်ဝန်းဟာ
ငါ့ကမ္ဘာရဲ့ မြောက်ဘက်ယဉ်စွန်းတန်းလေးပဲ။
ဆောင်းလိုနှင်းလို အေးမြ
ရာသီစက္ကန့်တိုင်း လှလိမ့်မယ်။
ချယ်ရီတွေ ဖွေးဖွေးဝေ့ဝေ့ပွင့်.........
အဲဒီနှင်းပွင့်ခေတ်လေးဆီ
တိုးတိုးရို့ရို့ ငေးလို့ လွမ်းနေပါရဲ့။
ချစ်သူရယ်........
လှဲချထားတဲ့ အလံရွက်လိုလေးလို ဘ၀မှာ
ငါ....ဘာမှ ထပ်မပြောချင်တော့ဘူး။
လမင်းကို လှမ်းမျှော်ပြီး
ရွှေလင်ဗန်းတွေလည်း မတောင်းချင်တော့ဘူး။
ထားလိုက်ပါ။ ထားလိုက်ပါ။
မင်းကို ၀ါးတစ်ရိုက်စာက
မြင်ရရုံနဲ့တင် တော်လောက်ပါပြီ။
ကျေနပ်တတ်ပါပြီ။
ကျေနပ်တတ်အောင် လေ့ကျင့်ခဲ့ပါပြီ။
ချစ်သူရယ်.....
ငါ့ မှတ်တိုင်က ကြမ်းတယ်။
ငါ့ လက်ထဲမှာ ဓားတစ်လက်ဆွဲထားပေမဲ့
ရန်လို ခုတ်ထစ်ဖို့ မဟုတ်ခဲ့ဘူး။
အနင်းခံ အိပ်မက်လေးတွေကို
ကုပ်ကပ်ကွာကွယ်ဖို့ရာပါ။
ဒါပေမဲ့...
အပေါ်ယံရပ်ဝန်းမှာ ငါ့ သတင်းမမွှေးပျံတာ
သေချာမှာပါ။
မျက်နှာမှာ ရွှေရည်သုတ်လူးပြီး
လူ့နတ်ဘုရားယောင်ရုပ်ကတော့
ငါလည်း လုပ်တတ်ပေမဲ့.....
ပျင်းတယ်ကွယ်။
ချစ်သူရယ်....
လူတကာလို နဖူးမှာ ရွှေပေလွှာတတ်ပြီး
စင်ပေါ်တတ်ပြဖို့ အထုံပါရမီ မပါသူအတွက်
အိပ်မက်ဆိုတာ လက်နဲ့ ထိရုံလောက်လေးနဲ့
ခွမ်းဆိုကွဲကျသွားမဲ့ ပုံဖော်ပန်းအိုးငယ်လေးပေါ့...
လှတာက လွဲရင် ဘ၀မှာ ဘာမှ သုံးမရဘူး။
ဘာမှအသုံးမချတတ်ဘူး။
ချစ်သူ...
စာနှစ်လုံးရဲ့ ထုထောင်းမူ့အောက်မှာ
နောက်ထပ်စာနှစ်လုံးဟာ မမော်ကြွားနိုင်ခဲ့ဘူး။
ဘ၀၊ အချစ်တဲ့
မြူရစ်မြူခိုးတို့က ဆိုးဆိုးဝေ့ဝေ့တိုက်လို့
ညနေရီလေး မှုန်မှုန်ငိုခဲ့ရသလို.....
လဲကျပြိုလဲ...........
ဒါပေမဲ့.......ငါ့လက်တွေ မြဲချင်ပါသေးရဲ့။
ချစ်သူ......
ကံကြမ္မာမျဉ်းကြောင်းပေါ်ထက်
ခိုင်မြဲ မတ်မတ် ငါ ဆက်ရပ်နိုင်ဖို့
ငါ့ခြေငါ့လက်တွေကို သုံးပြီး
လှော်ခတ်ကူးသန်း....
ချစ်သူရေ.......... ငါ့........ကမ်းမြင်လမ်းမြင် အိပ်မက်ဟာ
တစတစဝေးနေဦးမှာပါပဲ။
လှိုင်းပုတ်ချက် ကြမ်းကြမ်းမြမြတွေအောက်
ငါ့ စကားလုံးတွေ တဖောက်ဖောက်ပေါက်လို့...
နေခြည်ချက်ပြင်းပြင်းဝေ့ဝေ့အောက်
ငါ့ အိပ်မက်တွေတဖျစ်ဖျစ်ပျောက်လို့....
ဒီလိုလေးသာပဲ မင်းနဲ့ ဝေးသွားပါလိမ့်မယ်။
တစ်ကမ်းဝင်တစ်ကမ်းတက်
ငါ့ အိပ်မက်ဆိုတာ...နွံထက်နက်ခဲ့ပြီကွယ်။
အဝေးသူတွေက ငါ့ကို မေ့သွားကြလိမ့်မယ်။
အဝေးညတွေက ငါ့ကို မတမ်းတတော့ဘူး။
ခေါင်းလောင်းသံလေးတောင် ငါ့ကို မဖော်ရွေတော့ဘူး။
ဒီလိုလေးသာပဲ မင်းနဲ့ ဝေးသွားပါလိမ့်မယ်။
ပွပွဖောင်းဖောင်းစကားလုံးမြမြတွေကို
အလွယ်တကူ ချမရောင်းနိုင်ခဲ့သူအတွက်....
ဒီလိုလေးသာပဲ မင်းနဲ့ဝေးသွားပါလိမ့်မယ်။
တိုးလျငေးငိုင်တတ်ရုံကလွဲလို့
ဘာမှ ပွင့်မပြနိုင်သူအတွက်
ဒီလိုလေးသာပဲ မင်းနဲ့ ဝေးသွားပါလိမ့်မယ်။
ငါ့ရဲ့ရစ်သမ်ဆိုတာ မင်းတစ်ယောက်သာပါလို့
မပြောဖြစ်ခဲ့သူတွက်
ဒီလိုလေးသာပဲဝေးသွားပါလိမ့်မယ်။
အို...........အဝေးက မြေရေ...
ပင်လယ်ဇင်ယော်လေးတစ်ကောင်လောက်တော့
တခါတခါ ပြန်မြင်ခွင့်ရချင်ပါသေးရဲ့......
တစ်ခေတ်လောက် လုံလောက်ခွင့်ရချင်ပါသေးတယ်။
ဘုန်းသန့်ခန့်

  ပန်းတို့ကိုယ်စား

ကိုယ်ဆိုပါရစေ

ချစ်သူ……..

          ဘယ်သူတွေ ဘယ်လမ်းကို သွားနေခဲ့ကြလဲ။ ကိုယ်ကတေ့ာအခန်းငယ်ထဲမှာ ကိုယ့်ကိုကိုယ်ထည့်ပိတ် အေးငြိမ်တိတ်ဆိတ်တတ်ခဲ့သူပါ။ သာမာန်ထက်မပိုတဲ့ ဘ၀တစ်ပွေ့နဲ့ လောကတလင်းမှာ စစ်ခင်းရသူပါ။

ဒီလိုနဲ့ပဲ ဒီလမ်းကို

ဒီကောင်လျှောက်ခဲ့တာပေါ့…..

          ချမ်းချမ်းမြမြလင်းတဲ့ လမင်းညမှာတောင် ကိုယ့်အိမ်မက်နဲ့ကိုယ် အိုးစားကွဲရင်း အံတို့တင်းကာ လှမ်းခဲ့။ ဗီးနပ်(စ်)မပါသော ဖိုင်တွဲသပ်သပ်မှာ ကိုယ့်နာမည်ရေးလို့ နတ်ဘုရားတို့ မှတ်တမ်းထိုးခဲ့ကြရဲ့လေ။

          နေမင်းတွေ၊ နေမင်းတွေ အစင်းစင်းလင်းရင်းက ကိုယ့်ကို ကျော်ခွ သွားတတ်တယ်။ငှက်ငယ်ဆိုတဲ့ တေးသွားမှာ ကိုယ့်ဘုန်းတော်ဘွဲ့ မပါလေတော့လည်း ညနေလေညင်းကတောင် ကိုယ့်ကို သိမှာမဟုတ်လောက်ဘူးလေ။ ဤသို့ဤနည်း အသားကျနေတတ်တဲ့ ကိုယ့်အခန်းထဲ မင်းဝတ်မှုန်ခင်းလို့ ရောက်ခဲ့ချိန်တော့…..

          အဲဒီနေ့က……

          ပန်းတွေဟာ အလင်းစက်တွေဆွဲလို့ တဖျပ်ဖျပ်ပွင့်။ တစွန်းတစကြားရတဲ့ နွေဦးတေးသံ လွင်ချိုလက်လက်တောင်မှ ကိုယ့်ရင်ဦးတေးလောက် မငြိမ့်ညောင်းခဲ့ဘူး။ စည်တော်ယွန်းသံကြားမှာလည်း မင်းရနံ့တို့ မြူးမြူးဝေေ၀ စီးဆင်းမျောလို့။

လက်တစ်ဖက်နဲ့ ပွေ့လို့ကိုယ့်ကိုခေါ်သွားပြန်ရဲ့။

ဧဒင်……..

ခေတ်ပေါင်းများစွာ ကျော်နင်းပြီးကာမှ

ပြန်လည်ဖွံ့စည်လာတဲ့

ကိုယ့်ရဲ့…

ဧဒင်

မြို့ရိုးပျက်ဖုံဆိုးမြေမှ

နိုးထလာတဲ့ ဧဒင်………

၁း၁။    ။ အခုဆို အရှေ့အရပ်ဆီက ရောင်နီလည်း ယွန်းလုပြီ။ လမ်းမထက်မှာ ခပ်ကိုင်းကိုင်းရပ်ရင်း အ၀ါရောင်သစ်သီး တခိုင်နဲ့ ပင်အိုခပ်သွေ့သွေ့အောက် ငါ့ကိုငါထိုင်ချခဲ့တဲ့အတွက် အိပ်မက်ဟာ ရှည်လျားရ။ အနက်ရောင် ကတ္တီပါစကို ခွဲလို့ တဖျပ်ဖျပ်လူးလဲ့တဲ့ အတိတ်တစ်စုံဟာ အနာဂတ်ကို ဆွဲချလာ။ ကောင်းကင်တော်သောကြာထောင့်ဆီက ရွှေအိုရောင်အရိပ်တို့ အံကျဖြိုး။ သဲမြေမွမွပေါ် ရေးခြစ်ရင်း တွက်ချက်ဆဲ ပုစ္ဆာ မေးသူမှားခဲ့။ အညိုရင့် ပင်လယ်စပ်ဟာ ငါ့ကမ္ဘာရဲ့ ပထမရောင်နီမဟုတ်ဘူး။ ငါတည်ဆောက်ဆဲ………ဧဒင်…….ပြိုလဲ………….ဟားတိုက်ကျ။ စေတန်ရဲ့ဘေးဝင်ထိုင်၊ ပုရပိုဒ်တစ်ချပ်စာလောက်လွမ်းပြ။

၂း၁။    ။ငါသည် ထိုမျှလောက် ရဲရင့်၏။ စိမ်းညို့လွင်မျက်ဝန်းတစ်ချပ်ကိုပိုက် သတ်ကွင်းကို ၀င်၏။ လက်ဝဲအိမ်တော်မှ မရဏတေးကို သွန်း၍ မဟူရာအောင်လံကို တစ်ဝက်တင်၏။ အပိုင်းပိုင်းကွဲကျေစိတ်သော အိမ်မက်ကို တွဲကာ ငါရှုံးပွဲခံ။ ဗိုလ်ဝင်ခံရာ မြေဟာ အရိုင်းဆန်ခဲ့။ သွေးချင်းချင်းလိမ်းသော လက်ဖြင့် ငါ မော်ဖူး၏။ မြသားဓားတစ်လက်နှင့် ဝှေ့ရမ်းခံရသည့် ညသည် အဝေးဆီသို့နှင်သည်။ သို့အတွက် ၀ိညာဉ်မိုးတိမ်များ ထစ်ချုန်း။ အိမ်ယာမဲ့ အတွေးတို့ တောပြောင်းပြီ။ “ချစ်သူရေ” ဟု ငါဆို၏။ သင်သည်မကြား။ ဗျပ်စောင်းကို ချိုး၍ မီးတောက်ကို ခွဲ၏။ ဟုန်းကျွမ်းဖျစ်မြိုသံ ဟီးထ။ ငါ့……ဒိုင်ယာရီ စာမျက်နှာတို့ ပြာကျ၏။ ငါသည် “အချင်းစေတန် ငါ့ကို ဆောင်လော့” ဟု ဆိုသော် သင်သည်ငါ့ကို ပိုင်၏။ သောကြာသမီးပျိုသည် ပိုးပုဝါခြုံ၍ ခန်းမကို ဖွင့်လိမ့်မည်။ အလွမ်းတို့ ရှင်ပြန်၍ သင်သည်ငါ့ကို စီရင်ချက် မွတ်ကြားလိမ့်မည်။

၂း၂။    ။ ကမ်းပါးပျို၏ ဆည်းဆာသည် ချယ်ရီရောင်လက်လက်ထ၏။ ခင်တန်းငယ်တို့ စိမ်းသွေ့၏။ အနောက်တောင်မုတ်သုန်လေတို့ ငါ့ရင်ကို နှင်စေ၏။ ထိုအရပ်တွင် မြူးတူးသော သူတို့မနေအပ်ဟု မိန့်သံကြားအံ့။ ဧဒင်တံခါးဝ၌ကား ငါသည် လဲကျနိုင်၏။ အခါခါကရုန်းကန်ထရင်း တမြေ့မြေ့နစ်မူး။ ပန်းငယ်ဖူးတို့လည်း မွှေးမြခြင်းကင်းမည်။ လိပ်ပြာကောင်ငယ်တို့သည်လည်း အိပ်တန်းကင်း၏။ ၀တ်မှုန်ငယ်တို့၏ စမ်းရေချိုကို မသောက်ရစေ။ လှသော အဆင်းသည်မဲ့၍ သင်သည် အလုံးစုံကို ပိုင်စေ။ နိုင်းမြစ်သည် ခမ်း၍ ငါ့ပိရမစ်ကို နမ်းစေ။ တံခါးတို့ ပိတ်ညှိမ်း၍ ငါ့စာပနကို ခရမ်းရောင်လမင်း ၀ပ်ဆင်းစေ။

၂း၃။    ။ ပွင့်ချပ်တို့ ချွတ်ချသော လေညှင်းကို သင်သည် ခိုးယူ၏။ ငါ့ပိရမစ်ကို ဖြို၍ ဆံနွယ်လွှမ်းသော အလံကို စိုက်နိုင်သည်။ ငါ ဆိုဟစ်သော ကျိန်စာသည် ငါမှတစ်ပါး ငါ့သခင်ကို မသင့်ရစေ။ ငါ့ဆံနွယ်ကို သင်သည်ပိုင်၏။ မိုးယံတမာန် ဇတ်ကိုင်သော ယာဉ်ကို စီးနင်းကာ ငါ့ဆီ သင်လာပါလော့။ မွေ့လျော်သော ဒေသတွင် သခင်မကို မှန်းရော်တမ်းရင်း ငါ ခရီးဆက်ရပြီ။ ဥသြတို့ ရုန်းထ၏။ ဘူတာအို တံခါးဝတွင်ကား သင်သည် သက်ဆင်း၍ ၀ိုင်ကို သွန်းသွန်၏။ ငါ့အသွေးတို့သည် ချောင်းဖြစ်ကာ ပင်လယ်ကို ကျွမ်းစေမည့်။ အသားတို့သည် ကျွန်းဖြစ်ကာ ကောင်းကင်လမ်းမကို ခင်းစေ့မည်။ ပျိုးကျဲသူတို့၏ အိပ်မက်ကို သင်သိမ်းနုတ်၍ နင်းခြေအံ့။ ထိုအခိုက်သော ခဏ၌ကား လမင်းသည် အလင်းကို သိမ်း၍ ငါ့ကို သင့်ထံနှင်းလိမ့်မည်။

၃း၁။    ။ ထိုနေ့တွင် လက်ဝဲတံခါးမသည် ဟင်းလင်းပွင့်လိမ့်မည်။ တမာန်တော်တို့သည် သင့်ဘုန်းတော်ကို ဖွဲသီလိမ်မည့်။ ပလူတိုသည် သန်လျှက်ကို စွန့်လိမ့်မည်။ ကောက်ပင်တို့သည် သင့်သတင်းတော်ကို ပွင့်လိမ်မည့်။ ကောင်းကင်၊ သတင်းတော်ကို ဆောင်ယူအပ်သော နတ်ဘုရားပျိုတို့သည် ငါ့ကို နှောင်ကြိုးတည်း၍ သင့်ထံပေးစိမ့်သောအခါ လိပ်ပြာကောင်တို့ ၀ပ်ဆင်းသော လှေကားမှ သင်သည် ဆင်းကြွပြီး နီမြန်းသော ပန်းတစ်ဖူးကို ငါ့ထံပေးလိမ့်မည်။ ထိုအခိုက်၌ လောကသည် သာယာသော ပွင့်ဟသံ၊ ကျေးသာရကာတို့ဆောင်ချီသော ပွင့်ချပ်ဝေလွင်သံဖြင့် ထွန်းတောက်လင်းလဲ့၍ ထာဝရမငြိမ်းသော ကြည်ပြာလွန်မီးအိမ်သည် လင်းလိမ့်အံ့။   ။

          တစ်ခါတစ်ခါတော့ ပြန်သုံးသပ်မိပါရဲ့ ချစ်သူ။ မင်းပုံရိပ်ပွင့်တွေကို အခါခါ ထုပ်ပိုးရင်း ကိုယ့်နေ၀င်ချိန်တို့ ချိုခဲ့ဖူးတယ်။ အဝေးက မင်းဝိညာဉ်တေးသံကို ရှု့မောရရုံနဲ့တင် ကိုယ့်ဧဒင်ဟာ ပန်းတွေလင်းတတ်ပါရဲ့။ မင်းပုံလွှာ ချယ်သသော လေညှင်းကို ရှာဖွေပြီး စက္ကူလမ်းမှာ အလွမ်းကို တွေ့တတ်တဲ့ကောင်လေ။ ဘယ်လိုလမ်းပဲဖြစ်ဖြစ် ကိုယ်လှမ်းပါ့မယ် ချစ်သူ။

          မြူးပျော်လွင် ဟန်ပန်တွေနဲ့ မင်းရုပ်လွှာယောင်တွေကို နံရံထက်ချိတ်ဆွဲ၊ ကိုယ့်ကိုကိုယ် ပန်းခင်းထဲမှာလို့ လိမ်ညာခဲ့သူပါ။ ၀တ်မှုန်…..လူငယ်တစ်ဦးဟာ ပန်းပုံရိပ်ကို နမ်းရင်းရူးတတ်ပြီ။ ကိုယ်ဟာ ရွာသွန်းခွင့် ပိတ်ပင်ခံရတဲ့ မိုးတိမ်ပါ ချစ်သူ။ အံကို တင်းရင်းသာပဲ ဒီပန်းအတွက် ကိုယ်ဆက်လင့်မယ်။ လောကမုန်တိုင်းကြားမှာ မိုးကြိုးနက္ခတ်မပါဘဲ ကိုယ်ဆက်နှင်ရမယ်လေ။ ဘယ်မှာဆုံမယ် မသိတဲ့ ခရီး၊ ဒါပေမဲ့ ဓူဝံသစ်ဟာ မင်းဆီ ညွှန်ပြပါလိမ့်မယ်။

          ကိုယ်တွေးမိပါရဲ့။ မကြားနာဘူးတဲ့ မင်းအသံ။ ဆည်းလည်းသံ၊ သစ်ငယ်ရွက်တို့ ခတ်ထိသံ၊ စမ်းရေအိုင်တို့ လွတ်လင်းသံ။ မင်းရဲ့ အလင်းတမာန်ဆိုသော ဘာသာစကားကို ကိုယ်နားလည်ပါရဲ့လေ။ တလက်လက်လင်းတဲ့ အလွမ်းဆိုတာ အကြောင်းကြောင်းကြောင့် တောက်ပနိုင်တာပဲ။ မြင်ဖူးဆုံဖူးမှ လွမ်းရမယ်လို့ ဘယ်ကျမ်းကများ ရေးဝံ့ခဲ့လို့လဲ။ ဒီလိုနဲ့ပဲ လူမသိရှင်မကြား ကိုယ် လွမ်းရာသီရောက်ခဲ့ပေါ့။

          ရာသီဦးဟာ ကြမ်းလှပါရဲ့ ၀တ်မှုန်။ တဖြည်းဖြည်းမှုန်သီလာတဲ့ အခန်းဟာ ကိုယ့်ကို ၀ါးမျိုပြီး အမှိုက်တစ်စလို ထွေးထုတ်တယ်။ ဘယ်မှာမှန်း မသိတဲ့ ရနံ့ကို စိတ်နဲ့ နမ်းသူတိုင်းဟာ မရူးကြပါဘူး ချစ်သူ။ တရားသေလောက ကိုယ့်ကိုနံရံဆီ ပစ်ပေါက်ရင်း ရယ်သံတို့ကို တဖွားဖွားရွာချရဲ့။ လွမ်းရာသီရက်ရှည်တို့ဟာ ကိုယ့်အခန်းငယ်ကို ရယ်သံတွေ ဖုံးလွှမ်းအောင် ကြမ်းလှတယ်လေ။ ဒီလူနဲ့ ဒီအခန်းမို့ ကိုယ်တို့ ရဲရဲစွန့်စွန့်လက်တွဲပြီး မင်းကို ဖွဲ့သီနေဦးမှာဘဲ။

          ကျမ်းအစောင်စောင်ကို ကိုယ်မေးလိုက်ပါရဲ့။ ဘယ်လိုလမ်းနဲ့ လျှောက်ပါမှ “ချစ်ခြင်း” မည်သလဲ။ တအီအီညီးတဲ့ ခွေးအတို့ ကိုယ့်ရင်ကို ခဲသံကလွဲလို့ အဖြေတို့ သုဉ်းခဲ့ပါတယ်။ ကိုယ်ကတော့ လွတ်လွတ်လွင်လွင်ပဲ မင်းကိုချစ်တယ်….၀တ်မှုန်။ မတွေ့ဘူး မကြုံဘူးပေမဲ့ မင်းကို ချစ်တယ်။ လမင်းကို တမ်းတတတ်တဲ့သူ မဟုတ်ပေမဲ့ မင်းကို ချစ်တယ်။ ပြိုကျသွားတဲ့ တွေ့ဆုံခြင်းတွေနဲ့အတူ ကိုယ်မင်းကို ကိုးကွယ်ခဲ့ပါတယ်။

          အလွမ်းတို့ မခမ်းတတ်ကြောင်းကို ရာဇ၀င်မှာ ရေးထိုးရင်း ကိုယ်သိလာခဲ့ပြီ။ ချစ်ခြင်းဟာ အရာရာကို လွန်မြောက်စွာပဲ လင်းလဲ့တတ်တယ်လေ။ သူ့ကိုယ်ပိုင်အလင်းနဲ့ ကမ္ဘာကို ခွင်းပါလိမ့်မယ် ချစ်သူ။

          ကိုယ်ကို မင်းမသိပါဘူး….ချစ်သူ။ ဒါပေမယ့်…မင်းကို ကိုယ်သိနေပြီပဲ။ တဖက်သတ်ပွင့်တဲ့ ပန်းမို့ ဘယ်သူမှ အသိအမှတ် မပြုလဲနေပါစေ။

          “ပန်းရဲ့ တာဝန်က ဝေဖို့လား။ ကြွေဖို့လား။”ဘယ်သူမှ မဖတ်ကြစေဦး ဒီပန်းရဲ့ အတ္ထုပတ္တိကို ကိုယ်ကတော့ ဆက်ရေးရမှာပဲလေ။

          တစစနဲ့ ခိုင်ခံလာတဲ့ ပန်း…တေးများစွာဆိုခဲ့တယ်။ မင်းကို တိုင်တည်လို့ ပွင့်ခဲ့တဲ့ပန်း ကဗျာများစွာကို ရနံ့အဖြစ်လွှင့်ခဲ့။ ဖတ်သူမဲ့နေပေမဲ့ နောင်တတို့ ဝေမလာပါဘူး……ချစ်သူ။

          အခုဆို မင်း ဘာနဲ့ သွန်းတဲ့ သီချင်းကို နားထောင်နေမလဲ။ ကိုယ်သိခွင့် မပိုင်ပါဘူး။

          သူတစ်ခြားရင်ခွင်မှာ ခေါင်းလေးတိုးဝှေ့လို့ မြူးပျော်နေလိမ့်မလား။ ဒီလိုတွေးမိတိုင်း ရင်ရိုင်းတောဟာ တ၀ုန်းဟုန်း ဟီးထပြန်ရဲ့လေ။ ခေတ်များစွာ ငုံ့ခဲ့ရပေမဲ့ သူ…ပေါက်ကွဲခွင့် ရှိတာပါပဲလေ။

          ““အိပ်မက်တွေ တရဲရဲထနေတဲ့ ကုတင်ကို နင်းထိုင်ပြီး ရှင်သန်ခဲ့ချင်တယ်။ ငါ့ဘေးမှာ မီးခိုးရောင် အလွမ်းတွေ ၀ိုင်းပတ်ကခုန်နေတုန်းပဲလား။ ငါ့ရင်ကို ခွဲဖောက်ပြီး လျှောက်ခဲ့သော လမ်းမတွေဟာ တရွေ့ရွေ့ စီးဆင်းပါစေ။ ပြတင်းတံခါးထက်က ပင့်ကူတစ်ကောင်နဲ့ အတူ အတွေးတွေနွံဖွဲ့ရင်း လှောင်ကျပ်ဆဲပါလား။

          တံခါးကို ခေါက်လိုက်တယ်။ ဒါပေမဲ့….တံခါးမှ မရှိခဲ့တာပဲ။ ငါ့မျက်လုံးတွေ ထွက်ခွာရာ အရပ်ဆီမှာ သူမပုံရိပ်တွေ ရှိနေကြတော့မှာ မဟုတ်ဘူး။ ငါ…တံခါးကို ဖွင့်လိုက်မယ်။ အလင်းလွန်အတွေးနဲ့ ညဥ့်နာရီမှာ အခုဆို ငါ ဘယ်အချိန်ရှိပြီလဲ။

          တ၀ါးဝါးသမ်းဝေရင်း ကျူးပစ်ဝင်လာလိုက်တယ်။ သေချာပြန်ဦးမယ်။ ဒီကောင် သူမကို မသိခဲ့ဘူး။ ငါ အပြေးအလွှား ဒိုင်ယာရီကို လှပ်လိုက်ရဲ့………… ဟာ……………သွားပါပြီ။ သူမအကြောင်း ပါသမျှ ၀ါးကြိတ်သားရွက်တွေဟာ မီးတွေဖျစ်လောင်ကျွမ်းလို့…။ အလျှင်အမြန်ပဲ ရင်ခွင်တော်ပေါ် ပစ်သိမ်းလိုက်ရတယ်။ ဆောင်းညအိပ်မက်ရှည်တွေဟာ ကပွဲဆီ သွားကြကုန်ပြီ။ ငါသာ နွေလယ်ကွင်းပြင်မှာ ကားယားကြီး။

          ဘာတွေပဲ ဖြစ်ခဲ့ဖြစ်ခဲ့ လက်ဝဲရာဇ၀င်မှာ ငါဟာ သူရဲကောင်းပဲ။ သူမဟာ ပလ္လင်တော်ထက်မှာ ငါ့ကို ကွပ်မျက်သွားမှာပါ။ ကြယ်စင်တချို့က ပြေးဆင်းလာရဲ့။ ငါ့ ၀ိညာဉ်တည်ရာဟာ မိုးယံနန်းဆောင်မှ မဟုတ်ဘဲ။ ငါစပ်ဆိုသမျှ သူမဘုန်းတော်ဘွဲ့တွေကို ယူဆောင် လမင်းတောင် အလင်းလဲ့တို့ မှုန်ရစ်ကျဲပြီ။ ကြယ်ကြွေညလယ်ခေါင်ကြီးထဲ ငါသာ ကျိန်စာသင့်ခံမယ်။ ကြောင်ပါးတစ်ကောင် ငါ့အာရုံထဲ ၀င်အိပ်သွား………………. ဒေါသ …… စ်ိတ်ရှိလက်ရှိ…………….သူမအတွက် ……… ပျော်တော်ဆက်ဘ၀ ……… အိမ်နိမ့်စံခဲ့။

          စမ်းတ၀ါးတိုးလှမ်းချီတိုင်း အခါခါလဲကျ။ ကိုယ့်ကိုကိုယ်ပြန်တွဲထူ ဘယ်နေ့ အဆိပ်ငွေ့ ရှုရပါ့မလဲ။

          ကမ်းခြေတွေ…လည်း တဖွဲဖွဲခမ်းလု။ ပုလွေတစ်လက်ဆွဲ ငါ အကြိမ်ကြိမ် ထွန်ယက်ခဲ့ရဲ့။ မိုးစက်တေးဆိုရင်း အာခေါင်ကွဲကျေ။ ရင်တို့ အက်ရှတိုးဝင်နေ။ ဘယ်ဆီယွန်းသွားပြီလဲ……… ကမ်းခြေက သမင်ပျိုငယ်။ စက္ကန့်.. .. စတေး… ကောင်းကင် ခန်းမ…. ပြိုဆင်း…. မှတ်ကျောက်….မထင်။ ယုံကြည်ချက်လည်း ခန့်ထည်စွာ ကျိုးကျ။ ဖျပ်ခနဲ ဖမ်းအဆွဲ စေတန်ရဲ့ ကျိန်စာ။ အဆွေး တမာန်အိုဟာ အေးခဲ၊ အခန်းနံရံထက် ပုံဆောင် ဆွဲချိတ်ထားရဲ့။

          ဧဒင်အ၀င်မှာ ငါ့ရဲ့ အနက်ရောင် သိက္ခာ။

          သူမသာ အောင်ပွဲစံပါစေလေ။           ။””

          မင်းပုံရိပ် ပြန်လင်းမြချိန်မှာ အတွေးတို့ လေအိုမှာ စီးဆင်း။ “ချစ်ခြင်း” ဆိုတာ ပိုင်ဆိုင်ဖို့ရော၊ ရယူဖို့ရော။ စွန့်လွှတ်ဖို့ရော၊ ပေးဆပ်ဖို့ရော၊…. ဟုတ်ခဲ့လို့လား။

          “ချစ်ခြင်း”ရဲ့ လွတ်လဲ့မူ့ကို မြင်ချိန် ညှိုးလျသွားတဲ့ ပန်းငယ်လေးဟာ ရင်ဖွင့်တေးနဲ့ နွံကြားက ပြန်လည်ရွှင်မြောက်လန်းပြန်ပေါ့။ နှလုံးသွေးလောင်းလို့ ဆက်ပျိုးမယ် …၀တ်မှုန်။

          ပန်းငယ်ဆီက တဖွဲဖွဲ သွန်းဖြန်းကျလာတဲ့ ရနံ့တွေ မင်းပုံလွှာ ပွင့်လို့ အခန်းမှာ လွင့်နေမြဲပါ။ ဘယ်သူမှ မနမ်းရှိုက်ပေမဲ့ ကိုယ်ပျော်မိပါရဲ့။ ကိုယ်ပျိုးတဲ့ ပန်း …. ကိုယ့်လက်နဲ့တောင် မလှမ်းစေရဘူး။ မင်းလက်လေးသာ ဖြတ်စီးချိန်တော့ ကောင်းကင်လမ်းမထိ ပျံ့အောင် ကိုယ်မွှေးပြမယ်။ ရနံ့နတ်သမီးတောင် မူးနစ်ငိုရှိုက်ရစေသား။

          ရွေ့ရွေ့လျားလျားပါပဲလေ။ ဘာသက္ကရဇ်မှ မရှိတော့ချိန်ထိ ချိုချိုမှုန်မှုန် မင်းကို ဆက်ချစ်မယ်။ နရီတွေ လွဲခဲ့ပေါင်းများပေါ့။ သတ္တုလို မမာလင်းနိုင်တဲ့ နှလုံးအိမ် အတွက်တော့ လေပြေညှင်းကလည်း ရန်သူပါ။ မြေပြင်ပေါ် ခြေစုံကျလဲရင်းက မင်းကို ကိုးကွယ်ခဲ့သူ။ ယုံလှဲ့ပါ။ ယုံပေးပါ…….ချစ်သူ။

          ၀တ်မှုန်…အမှောင်ခေတ်ကနေ မင်းဟာ ကိုယ့်ကို ဆွဲထုတ်ပေးခဲ့သူပါ။ မင်းအပြုံး လင်းမြချိန် ကိုယ့်ဒေသ ပန်းလိုလန်း။ အိပ်မက်ကျမ်း တစ်ပိုဒ်ကို ဆိုရွတ်ရင်းသာ မင်းအလင်းကို ၀ပ်တွား….။ ကိုယ့်ကိုးကွယ်မှု့ဟာ အဆင့်မြင့်ခဲ့။ အေးကျင်တဲ့ အလွမ်းခေတ်ဆီက ကိုယ့်ကို လွန်မြောက်ခွင့်ပေးပါ။

ဘယ်သူ့ ဘယ်သူမှ

မသိတဲ့

အခန်းကျဉ်းလေး

ဆက်လက်ရှင်သန်

မီးမမှန်၊ ရေမမှန်ပေမဲ့

လရောင်တေးသံနဲ့

ချစ်သူကို ကြိုနေဆဲ……..။

          ရနံ့ပွင့်တွေ ထွန်းပရင်း မင်းကို ရီရီဝေေ၀မျှော်နေဆဲပါ…..၀တ်မှုန်။ ကမ္ဘာမြေ တစ်နေရာဆီမှာ မင်းရှိမဲ့ အသိနဲ့ ကိုယ့်ရင်တ၀ှမ်း နွေးခဲ့သူလေ။ ကိုယ် မရိတ်သိမ်းခဲ့သော ကောက်နှံတွေ………. တစ်ချိန်မှာ ကိုယ့်ရင်သတင်းကို ရွတ်ပြချင်ပြကြပါလိမ့်မယ်။

          သ်ိပ်အရေး မပါတဲ့ ကိစ္စပါ……..ချစ်သူ။

          ဘယ်နတ်ဘုရားမှ မတူးဖော်နိုင်တဲ့ ရပ်ဝန်းမှာ ကိုယ်လဲကျသည် အထိ၊ မရဏအောင်လံဟာ လက်ခမောင်းခတ်လို့ ကိုယ့်ခေါင်းမှာ ထိုးစိုက်ပြီးချိန်ထိ ရင်ထဲက ပန်းကတော့ မင်းအတွက် ၀တ်မှုန်ကို ထွန်းပလို့ ၀တ်ရည်မြစ်ကမ်း တစ်လျှောက် ထာဝရထာဝစဉ် ဆက်စီးဆင်းနေလိမ့်ဦးမယ်…….ချစ်သူ။         ။

                                                                                                ဘုန်းသန့်ခန့်

          (၁း၁~၃း၁။     ။“ပန်းနုရောင်ပေရွက်၌ ဖော်ကျူးသော” ဘုန်းသန့်ခန့်)

““-----”” “ပေရွက်ပေါ်က အလင်းတိမ်” အကြမ်းစာရွက်မှ

ချစ်သူရေ....
            တစ်ခေတ်လုံးစို သွားအောင်
ငါ့ကိုသာ ကွင်းကွက်ပြီး
                  ဒီမိုးတွေရွာလိုက်ပြီလား.....
ငါ့တစ်လမ်းလုံးရွဲရွဲငိုလို့......
                 ဘယ်သူမှလည်း လိုလိုလားလား ဖေးကူမချော့....
စာအုပ်ထဲမှာ မင်နီတွေကလွဲရင်...
င့ါ.....အံကိုက်ရာလေးပဲတွေ့ရမယ်။
ဆောင်းတစ်ဘ၀လုံးကို
      အနွေးအင်္ကျီလေးတစ်ထည်နဲ့.....
ခိုကပ်ရပ်တည်ရဲတတ်ရုံကလွဲရင်
တစ်ခြားဘာမှ လုပ်မပြတတ်ဘူး။
၁။ ``ထုတ်ပြန်ချက်ကြီးတွေ့နေတာတောင်
            ဟုတ်ရဲ့လားဟယ်......မတန်မဆ´´ ဆိုတဲ့ စကားတွေကြားမှာ
    ကိုယ်...တစ်ခြားဘာမှ လုပ်မပြခဲ့သလို...
၂။ ကျွန်တော်မပြိုင်ချင်လို့ပါဆိုပြီး
               တရိုတသေငြင်းခဲ့တာကိုတောင်
အတင်းဝင်နွဲခိုင်းခဲ့တဲ့ အခိုက်...
ဘာမှ မရေးဘဲ ပြန်ပေးခဲ့တဲ့ စာဖြူရွက်လို.....
ဖြစ်နိုင်ရင် တိတ်တိတ်လေးငေးနေပါရနော်။
ငါဆိုတာ.....
                ငါဆိုတာ.....
မြို့ပြအလယ်လမ်းမတစ်တောမှာ
စိတ်လေနှင်ရာ သွားလာလွင့်လူးနေသူ၊
အခန်းငယ်နံရံထက်ပေါ်မှာ
Graffiti တွေကို စိတ်ထင်တိုင်းချယ်မှုန်းတတ်သူ၊
 ကော်ဖီကြမ်းတစ်အိုးတည်ရင်း၊
ကဗျာ တရိုးစင်းရင်း၊
အိပ်ယာခင်းလေးနဲ့ ဝေးနေတတ်သူ၊
အခုတော့ဘယ်လိုမှ........မိုးစိုစို အောက်မှာ
မတ်မတ်မရပ်နိုင်ခဲ့ဘူး။
အိုး...မယ်တော်ကောင်းကင်
မိုးတွေကို ခဏလေးရပ်ပေး
ဘ၀မှာ တစ်ခါလောက်တော့
ကိုယ်ထူကိုယ်ထ ငိုပါရစေ။
ငိုတယ်ဆိုတာ သိသွားအောင်
            ငိုလိုက်ပါရစေ။
ချစ်သူ....
ငါ...မင်းကို ရေမျောကမ်းတင်ချစ်ခဲ့တာမှ မဟုတ်တာကွယ်။
အပေါ့စားပြဇတ်မဟုတ်လို့ ဘယ်အရာကို မှ လည်း ဟာသ မစွက်ခဲ့ဘူးလေ။
ဖြစ်နိုင်ရင်ဆိုမှသာ မင်းဘေးမှာ
ခပ်ရို့ရို့ရပ်ပေးချင်ခဲ့တာပေါ့။
ဘယ်သူမဆို ချစ်သူကို ရွှေပေါ်မြတင် ချစ်ချင်ရှာမှာပဲ။
 အတူသွားအတူလာ။
ချစ်သူက စကားတွေ တစာစာပြောနေတာကို
 တောင့်တကျေနပ်ကြမှာပဲ။
မိုးစက်တွေထဲမှာ တစ်ယောက်ကို တစ်ယောက်ခြုံ....လုံကြမယ်။
ဆောင်းည အိပ်မက်မှာ တစ်ယောက်ကို တစ်ယောက်ထွေး....နွေးကြမယ်
နွေလယ်ရက်တွေမှာ တစ်ယောက်ကို တစ်ယောက်ဖေးမ.....အေးမြကြမယ်။
ဘယ်လိုများ...ပျော်ရွှင်ငြိမ်းအေးလေမလဲ။
ဒါပေမဲ့.......
             အိပ်မက်လေးမက်ရင်းမက်တပ်.....
သံပါတ်လေးရပ်သွားတယ်။
တကယ်တော့....၀တ်မှုန်ရယ်....ု
               နင်က ............တယုတယ ပြသထားတဲ့
                                   ကောက်ရုပ်မလေးဖြစ်ပြီး
               ငါက..............တန်ဖိုးကိုတောင်မမေးဝံ့တဲ့
                                    လှမ်းငေးသူကောင်လေးဖြစ်နေရတယ်။
အဲဒိတော့.....
                   ချစ်လွန်းတဲ့ငါ အဝေးကိုသာ
နင့်ရဲ့......အဝေးကိုသာ ငေးနေလိုက်ပါ့မယ်ကွယ်။
အိုး...မယ်တော်ကောင်းကင်
မိုးတွေကို ခဏလေးရပ်ပေး
ဘ၀မှာ တစ်ခါလောက်တော့
ကိုယ်ထူကိုယ်ထ ငိုပါရစေ။
ငိုတယ်ဆိုတာ သိသွားအောင်
            ငိုလိုက်ပါရစေ။
                               ဘုန်းသန့်ခန့်






-

မေမေက သား........မိုးလင်းပြီထထဆိုလို့ ထလိုက်ရတယ်။
ကိုယ်လည်းလူးလည်းရုန်းထ.....
အင်....မိုးလင်းပြီသာ ဆိုတယ်....
ဘာမှလည်းမထူးခြားဘူး...
နေမင်းနဲ့ လမင်း ဂျူတီချင်းချိန်းသွားရုံတင်ပါလား...
ဟင်း...လာပါချစ်သူရယ်...
ဟို..နားထောင့်မှာ...ကိုယ်တို့
မလုံမခြုံ...မလောက်မင ကုပ်ကပ်သွားငိုင်နေကြတာပေါ့...။
ပတမဆိုတဲ့ဘ၀တွေက...
ငါတို့နဲ့ဟိုးအဝေးမှာ..ဝေးလွန်ကွာဝေး
ငါက...တေလေအိပ်မက်နဲ့ ငေးနေရတယ်။
ငါကျင်လည်နေတဲ့ ....
တိုးတက်မျှော်ရပ်ဝန်းမှာ
လူလူသူသူကျင်လည်ဖို့ဆိုတာ...
သက်ရှိဘုရားနှစ်ဆူရဲ့
နှစ်ဦးပေါင်း...ဦးဆွေးဆံမြည့်ကြေး....လေးနဲ့...
လောက်ငဖို့ဆိုတာ....ငါ..က မှော်ပညာမှမတတ်တာပဲကွယ်။
သင်ယူဖို့တော့ ငါ...၁၉ ရာစု စာကြည့်တိုက်ကို ပြန်လှန်ဖတ်နေပါရဲ့...
ဘာပဲဖြစ်ဖြစ် မှန်းရာရောက်မယ်ဆို ကျေနပ်တတ်အောင် သင်ကြားခဲ့တာပေါ့..။
ငါတို့အိမ်လေးက လှတယ်...
ဝန်းပစိုပြေ....နေကြာနဲ့နေလို တင့်လဲ့ရွှန်းဝေ...
ချစ်သူရေ...ငါတို့ဟာ...မြဒေါင်းတောင်ကိုလည်း
ဖြစ်နိုင်ရင်...တပ်ချင်ခဲ့တာမဟုတ်ပါဘူး....
ရင်မှာအတင်းလာစိုက်...ငါပြန်ပြီးမိုက်လိုက်ရမှာလား။
ငါက ....မေတ္တာတရားနဲ့.....ငြိမ်းမြချင်ခဲ့သူပါ...ချစ်သူရယ်...
မိုးပြိုခေတ်ကကြမ်းတယ်.....လေတွေကလည်းရမ်းရဲ့
လာလာ.....ချစ်သောပန်းငယ်....ငါတို့....တေးအသစ်တွေကို
အခုချက်ချင်းပဲချရေးဆိုပစ်ကြရင်ကောင်းမယ်ထင်တယ်....
ပြီး....မှ မျက်နှာချင်းဆိုင် ...ဂဲနဲ့ပစ်ကြတာပေါ့ကွယ်။
ခက်တယ်ခက်တယ်.....ကိုယ်တို့ကလည်း
ဒေါင်း.....ခန္စာမှာ.....ကျီးတောင်တွေနဲ့..
လှချင်ယောင်ဆောင်နေရဦးမှာပေါ့.....။
အဝေးမှာက....ကြယ်ရောင်တွေဖြိုးဖျပ်ထလို့..
အားကျငေးမော....အော်
သက်ပြင်းတွေရောနေတယ်။
မနက်ခင်းဆိုတော့......ချစ်သူကလှတယ်......တဲ့..၊
နေ့ခင်းနေပြင်းချိန်မှာ...တချို့ ညလေးတွေ
ပေတစ်ရာလမ်းမမှာ ဖွတ်ဖွတ်ညက်ညက်ကျေလို့...
ရပါတယ်...ရပါတယ်....
ငါ..ထာဝရ..မျက်ရည်စက်တွေနဲ့...
ကျီးယောင်ဆောင်ပေးနေပါ့မယ်....။
အားလုံးပေါင်းလို့မှ တစ်မဖြစ်နိုင်တာပဲ
တတ်သလောက်မှတ်သလောက်နဲ့....
မီးတောက်ဗျောက်ကို...
ငါ....တို့...တုတ်နဲ့မထိုးသင့်ဘူး။
လင်းတတ်သမျှဆိုတာ...
မလောက်ငတဲ့......ငါတို့ရဲ့၊
သံထမင်းပုဂံပေါက်လေးရဲ့...ညတွေကိုခေါ်တယ်.။
အင်း...
ခါးပြီဆိုမှတော့...သကြားလည်းမစားချင်တော့ဘူး...
ငါ.....လေ.....တစ်ခါတစ်ခါ
ပါးစပ်တစ်ခုလုံးနဲ့....လေဗျောက်ပြန်ဖောက်နိုင်ရုံကလွဲပြီး
တစ်ခြား ငါ....ဘာမှ သင်ယူမလာနိုင်ခဲ့ဘူး....
ညဆို...ကြယ်တွေကိုငေး...
မေမေ...နွေညတေးတွေကို မုန်းတယ်။
အားလုံးလင်းပြနိုင်ပါရဲ့နဲ့....ကြိတ်မှိတ်မှောင်နေရတဲ့....ည
ချစ်သူရေ.....ငါတို့.....က
ကျိမ်စာကို အဖန်ဖန်ကျခဲ့ကြတယ်လား။
နှုတ်ခမ်းတစ်လန်ပန်းတစ်လန်နဲ့.....အော်ကြီးဟစ်ကျယ်
ကိုယ်လည်းရယ်ပြတတ်တာပါပဲကွယ်.....
ဒါပေမဲ့.........
ပျင်းတယ်....
မိုးပေါ်မြောက်....ဂဲမြှောက်ဖို့ပျင်းတယ်။
လင်းယောင်လူနောက်လိုက်ဖို့ ပျင်းတယ်။
ချစ်သူကို ချစ်ပြဖို့ကလွဲရင်...
ငါ....အားလုံးပြင်းခဲ့တယ်။
တစ်ခါမကလည်း...ချစ်လွန်းလို့
ငါလေ...........................
ဒေါင်းဖန်ဝါကိုငေး....ဒူးထောက်ငိုကြွေး....
ချစ်သူရေ.....
အရှေ့...ရိုးတစ်လျှောက်မှာ....မိုးပြိုအိပ်မက်တို့နှင့်ဝေးပါစေကွယ်။
                                                                             Demigod