ဟင်!!!
ငါတို့ ကံကြုံလို့များ ပြန်ဆုံကြတာလား။
    ။xxxxxxxx။
.....    ........
    .....    .........
ကြာတော့...ကြာခဲ့ပါပြီလေ...
အနီရောင်လက်ရေးကို ဖတ်ပြီးတဲ့နေ့ကတည်းက
တစ်ယောက်တည်း ရူးသိပ်မွန်းခဲ့ရတဲ့ လတွေ၊
သင်ရိုးစာအုပ်ရှေ့ချပြီး ဘာမှမမြင်ရတဲ့ ညတွေ...
သူငယ်ချင်းရယ်......
(ဒီလိုပဲ ဟန်ဆောင်ခေါ်လိုက်မယ်)
ကျောင်းတော်ရှေ့က လမ်းမတွေတောင် ပြောင်းပြီးပြီပဲ။
    ငါတို့ရဲ့ လူငယ်ဂီတကို ပျိုးသခဲ့ကြတဲ့
မြို့ငယ်လေးဆီလည်း ငါ ပြန်ရောက်သေးတယ်။
    တစိမ်းဆတ်ဆတ်ကြည့်နေသော
မျက်ဝန်းတွေကြားမှာ နင့်ကို ရှာမတွေ့ဘူး။
(နင်.....မြို့ပြနိုင်ငံလေးဆီ ယွန်းချီသွားပြီတဲ့)
    စာသင်ခန်းလေးကတော့ ၀မ်းပန်းတသာနဲ့
        ငါ့ကိုကြိုတယ်ကွယ်။
နင်မှတ်မိမယ်ဆိုရင်ပေါ့...
ဖယောင်းတိုင်လေးကလည်း တစ်ဦးဆီမှာ...
မီးခြစ်လေးကလည်း တစ်ဦးဆီမှာ...
    ဘာပဲဖြစ်ဖြစ် မီးတောက်လေး ထကတဲ့
မီးမှောင်ကျသွားသော ညကိုလည်းလွမ်းတယ်။

အသားကျနေပြီးသား
    ငါ့ရဲ့ ဖောင်တိန်လှည့်တတ်တဲ့ အကျင့်ကတော့
ညောင်ပင်အိုလို ကိုင်းထောက်မြစ်တွေ ကျနေတုန်းပဲ။

ပြီးတော့...
    မိုးတွေယိုကျတတ်ပေမဲ့
သူ့ကိုယ်သူ မိုးလုံလေလုံအားကစားရုံဆိုတဲ့
ခန်းမထဲက ခုံတန်းလေးကိုလည်း လွမ်းတယ်။
(နင်နဲ့ငါ ဖိနပ်သေးသေးလေးတွေ စီးထားတုန်းက
    နင်.....နင့်အကိုနဲ့ အတူ  ညနေတချို့မှာ
နိပွန်ရိုးရာ ကိုယ်ခံပညာ သင်တန်းကို
လိုက်လာခဲ့ဖူးတယ်လေ။
ငါတို့ တစ်ယောက်နာမည်တစ်ယောက် မသိကြပေမဲ့
    စကားတွေ အများကြီး ပြောခဲ့ဖူးတယ်။
``........နားမှာ နေတယ်´´တဲ့
ငါ အခုထိ ပြန်ကြားနေမိရဲ့
နင်မလာတော့တဲ့ ရက်တွေမှာ ....ငါ....
    ပိတ်ကားဖြူအကြီးကြီးဆီ ရောက်ရာလမ်းလို့
ငါ သိထားတဲ့ လမ်းမထိပ်ပေါ်ကနေ
    လှမ်းငေးငူဆော့ရင်း
နင်....အဲဒီနားမှာ ရှိတယ်ဆိုတဲ့အသိနဲ့
    ပျော်မှိုင်လွမ်းရွှင်ဖူးတယ်။)
နောက်...
    ငါတို့ ကျောင်းတော်ရင်ခွင်မှာ
မေးခွန်းကြိုတွေ အတူဖြေဖူးတဲ့ ရက်တွေကိုလည်း
        လွမ်းတယ်။
ချယ်ရီတွေကတော့ ငွားငွားစွင့်စွင့်ပွင့်နေဆဲပါကွယ်။
ငါကသာ တဖြုတ်ဖြုတ်ကြွေခဲ့ရတာပေါ့......
ဘာပဲဖြစ်ဖြစ်...ငါ...နင်အတွက်
၁၀    ။    ။အစွမ်းကုန် မြင့်မားတက်ကြွဖူးတယ်။
၁၁(က)။    ။အစွမ်းလွန်တေပေလေလွင့်ဖူးတယ်။
၁၁(ခ)။        ။တစ်ချိန်ကတော့ ငါ လူသားဆန်ဖူးတယ်ထင်ရဲ့....
၁၂    ။    ။စကားလုံးထဲမှာ ငါ့လောကကိုစတည်တတ်လာတယ်။
၁၃    ။    ။နင်ကလွဲရင် စကြ၀ဠာတစ်ခုလုံးကို အပိုင်ရခဲ့...
၁၄    ။    ။ပန်းငုံခေတ်ဝတ်ရုံကို ချုပ်လုပ်သီကုံးခဲ့...
၁၄၊ ၂  ။    ။မီးမှုန်လေးပေမဲ့ ဇုနတ်အတွက် တ၀ုန်းဟီးဟီး လောင်ကြွေးခဲ့...
၁၅(က)။    ။အမှောင်လက်တွေနဲ့ တိမ်ဆောက်မိခဲ့....
၁၅(ခ) ။    ။နောက်မြီးတစ်ခုတော့ တပ်စရာ ကပ်ကျန်မယ်ထင်ရဲ့ လေ။
    ထားလိုက်ပါ။ ထားရစ်ချန်ခဲ့ လိုက်ပါ။
If I have a flower for everytime
I Though of you, I could walk in
my garden forever.
တစ်ယောက်    တည်း    လမ်းပျောက်ဆဲ...
``သမိုင်းဆွေးတွေကို လွင့်ပစ်လိုက်စမ်းပါ´´...တဲ့
    မစာနာသူတွေက ဆိုရဲ့။
``ဟင့်အင်း...ငါက
    ကြွေအိုးငယ်ငယ်လေးကိုလည်း
တရှိုက်မက်မက် သိမ်းထားတုန်ပဲ။´´
ကိုတာရာ ရေးခဲ့သလိုပေါ့။
``နှစ်အတော်ကြာကြီး ကွဲကွာပြီးမှ
တစ်နေ့တည်းနဲ့ ပြန်တွေ့လိုက်ရမှာ ပျော်စရာကြီး။´´
ဟုတ်မယ်နော်....ငါ....ခံစားဖူးချင်ရဲ့။
ခုတော့...စာသင်ခန်းလေးထဲက
    ညလေးတွေကို ပဲလွမ်းတယ်။
    ဆရာမကလည်း အနားယူသွားပြီ။
(စာသင်ခန်းလေးကတော့ လွမ်းနင့်မောလျစရာကောင်းတုန်းပဲ)
    နင့်သူငယ်ချင်းမတစ်ယောက်လည်း
        ကိုယ်ပွားတစ်ခု ခွဲထားပြီ။
အတူလှမ်းတက်ခဲ့ကြသူတွေလည်း
        ကိုယ်လမ်းကိုလျှောက်ကုန်ကြပြီ။
``...................................
    ငါတို့ ရဲ့ခင်မင်မှုက ပြီးဆုံးသွားပါပြီ´´တဲ့
        ဒီလိုနဲ့သာပဲ
ဘ၀ကို နောက်တစ်ရွက်လှန်ဖတ်ရမှာလား...
        သူငယ်ချင်းရယ်....
နင့်နာမည် ရှေ့နှစ်လုံးကိုလည်း
    ``သုဓနုလက်ရေး´´နဲ့ ရေးပြချင်ရဲ့....
(နင့်လက်ရေးလိုတော့ အခုထိ
ငါလှအောင်မရေးတတ်သေးဘူး။)

>>``            ဒီဆံမျှင်မှာ
    နှင်းဆီတွေမှ မဖူးပွင့်တော့ပဲ
    မေ့ထားလိုက်ပါတော့ ကလေးရယ်...
    အလင်္ကာတွေကိုလည်း ကိုယ်ကပဲ
    မှုတ်ငြိမ်းထားလိုက်ပါ့မယ်´´

Only one but maned lion king.
အဲဒီ စကားလုံးကြောင့်ပဲလားကွယ်..
ငါ့...သားရဲဂူဟာ
နှင်းစော်နံရင်းလွမ်းနေရဲ့....

ပန်းဘုံကနေ လူ့လောကဆီ ခဏ အလည်လာတဲ့
    ၀တ်မှုန်လေးရဲ့ အထိမ်းအမှတ်နေ့ ရောက်ရင်တော့
        ငါ့ကိုယ်စား
ပုံရိပ်ထွင်း ကဒ်ပြားလေးကို လွှတ်ပေးနေဦးမှာပါ...။
(တခါမှ ငါ .....ခွင့်မဲ့မပျက်ကွက်ခဲ့ဘူးနော်)

>>>At the day's end, when you are tired.
    I shall plunk a driping lily to put
in your hair and take my leave.
    ။--------။
မှားမယ်မထင်ပေမဲ့
မှားမှာစိုးလို့
မိုးမွန်အောင်လွှတ်ကနဲ မခေါ်မိပြန်ဘူး။
ငါကလည်း .....
        အဓိပတိကို ပါရမီမပါဘဲ စီးမိတာကိုး.......
                            ဘုန်းသန့်ခန့်
၂၀၊၆၊၀၈
 for Pollen of Taboo Era
>>သင်းကွဲသူများ၊ တာရာမင်းဝေ မှ
>>>Love Gift မှ

     ဘီလူးနက္ခတ်နဲ့ ငါဟာ

     အိပ်မက်တစ်လုံးလွယ်

     ကျောင်းရိုးကိုးပေါက်လျှောက်

     ပျောက်ပုန်းသော မျက်ဝန်းကိုရှာ

     ငါ့ ခြေရာတို့

          ငါ့ကို ခြောက်လှန့်နေ။

ဝတ်ရည်တို့ဖြင့် စိုလောင်း

မှုန်သီရစ်ရီအောင်ပျိုးလို့

ရွှေရောင်လမ်းခင်းထားပါရဲ့

ရည်ရွယ်မိသူရေ....

     မုတ်သုန်မဖြိုးမီတော့

    ငါ့ကို နှစ်သိမ့်လှည့်ပါကွယ်။   ။
                                      ဘုန်းသန့်ခန့်

( ၁ )

ဝတ်မှုန်.............

ဒီအသိဟာ

ကိုယ်တို့ကို အေးစက်ရီမိုက်စေရဲ့။

များပြားစွာ စီးဆင်းလာပေမဲ့

သဲရေသွန် နှုတ်ဖျားမှာ ကွယ်လွင့်...........

ကိုယ်နဲ့မင်း ချယ်ရီတွေကိုတော့ ချစ်ကြတာပါပဲလေ။

ပြုံးလိုက်စမ်း...............ချစ်သူ

ဘယ်လို ကြမ္မာပွင့်ပဲလာလာ

ကစားပွဲမှာ ကိုယ်တို့မှ ၀င်ထိုင်မထားဘဲ။

ကိုယ်ဟာ သေချင်တဲ့ကျား မဟုတ်ပေမဲ့

တောပြောင်းရတော့မယ်။

တောင်နေကြာဝါ၀ါတွေလိုပေါ့

ရင်ထဲက နှင်းတွေ ဝေစရာ နေရာကို

ရှာဖို့ ကိုယ်သွားရတော့မယ်။

တောင်ယာခုတ်တာ မဟုတ်လို့

ကိုယ် ရှို့တဲ့ မီးခိုးကိုတော့ မင်းမမြင်ရနိုင်ပေဘူး။

ဒါပေမဲ့.............

ဘယ်သူမှ ရှင်းမပြရဲတဲ့ ရပ်ဝန်းဆက်သွယ်မှု့နဲ့

ထာဝရ နီးနေကြမယ်ဆိုတာ ယုံပါ...........

ထာဝစဉ် နွေးနေဦးမယ်ဆိုတာ ယုံပါ.............

( ၂ )
ပန်းတွေကိုင်ပြီး တက်ခဲ့ရင်တောင်

လက်မခံမယ် သိပါရဲ့

မြက်ကပွင့်တဲ့ ပန်းတွေလေ..........

ငါနေတဲ့ တောမှာသာ

လေလိုမိုးလို ပွင့်ခဲ့တာ။

`လူပေဆိုးကြီး´ တံဆိပ်ကပ်ခံခဲ့ရသူ

ရင်ကိုဖွင့်ပြီး လွှင့်ပြရရင်လည်း

ဆပ်ပြာပူဖောင်းလို

ဖောင်းခနဲ ပေါက်ကွဲ

တံတွေးတွေ ရဲပလောင်းရွှဲလို့။

တေလေမီးအိမ်အောက်က

ငါ့အရိပ်ကို နင်းကာ

မင်းဆက်လျှောက်ပါ.............၀တ်မှုန်။

ဝန်းကျင်က ခွင်းတဲ့ မုန်းတိုင်း

ကိုယ်တို့...........

ခံနိုင်ရည်တွေ စုတ်ဖျက်တောက်နေ...........

အူမ မတောင့်ပါဘူး...........

ဒါပေမဲ့

ကိုယ်တို့ ရွက်ကုန်ဖွင့်စို့။

လောက လေစုန်ကို ဖယ်ရှောင်ပြီး

ကိုယ့်ဦးတည်ချက်ဆီ လေဆန်နှင်စို့။

လူဆိုတာ ကိုယ်မှီသလောက်ပဲ

စကားနဲ့ လှမ်းပေါက်နိုင်တာပါ.........၀တ်မှုန်

ကိုယ်တို့ ဝေးဝေးသွားကြမယ်။

ဘယ်သူမှ မနမ်းကြစေဦး

ကိုယ်တို့...........

ရေမီးအစုံအလင်မပါရင်တောင်မှ

ပန်းတွေပါအောင် ပွင့်ကြမယ်လေ။

နှင်းအတောင်ပံတပ်

လောကကို ချမ်းမြစေ့မယ်။

နာမတွေ စုပုံလို့ရှို့

မီးအိမ်ကို ဆက်ထွန်းစို့။

တို့ရဲ့လမ်းမ............

ကျောပြင်တွေ ရှောင် လျှောက်ခဲ့လို့

နည်းနည်းတော့ ကြမ်းရှမှာ သေချာ။

တခါတခေတ်တော့

မိဘရင်ခွင်ကို မှိန်ဖျလျှလွမ်းရဲ့။

မျက်ရည်ကို သိမ်းပါ...........၀တ်မှုန်

နွမ်းပြီးသား စက္ကူအိမ်မက်ကို

ခေါက်ရိုးကျ ထပ်မချိုးပါနဲ့ကွာ။

အသေးအဖွဲ တွေကို

သတိထားစမ်းပါ........၀တ်မှုန်

ကိုယ်တို့ရင်ထဲ

ဝင်ဝင်နှောက်တတ်တဲ့

လေပွေတွေကို သယ်လာတတ်ရဲ့။

ကိုယ်တို့မှာ ကျောက်တိုင်မရှိဘူး။

အောင်လံတပ်လွှင့်ဖို့ မရှိဘူး။

ဘုန်းတော်ဘွဲ့ထွင်းဖို့ ကျောက်စာမရှိဘူး။

ဒါပေမဲ့.....၀တ်မှုန်

အနုပညာ မပါတဲ့ အနုပညာနဲ့

ကိုယ်တို့ မြင့်မားကြမယ်။

လှေကားတွေ မထောင်ဘူး။

စစ်မှန်တိကျတဲ့

အနုပညာမာန်ဖြူဖြုပဲရှိသော

ဘ၀တိုးတိုးလေးနဲ့

အုတ်ချပ်အို ဟောင်းဟောင်းတွေကို

ကျော်လွတ်ထွက်လွင့်မယ်။

(ဖိဖျက်မဖြိုနင်းခဲ့ပါ။)

မိုးစက်လေးပေမဲ့

ပင်လယ်ဆီပြန်မသွားဘဲ

လွတ်လပ်မှုကောင်းကင်မှာ

ထွက်မြောက်ပျောက်ကွယ်ကြရအောင်။ ။

( ၃ )
ဝတ်မှုန်........

ကိုယ်...........ဘယ်ဆီဆက်လွင့်သင့်သလဲ။

လက်တစ်ကမ်းက အိမ်မက်။

အနိးအနားက စေတန်။

ပင်လယ်က လှိုင်းကို တေးလိုဆို..........

ကိုယ်ရေးသမျှ သံစဉ်

လှိုင်းတွေ ၀ုန်းဟီးထရင်း

မုန်တိုင်းထန်ခဲ့။

ပုလင်းဖက်ရင်း လဲကျ

ဒါပေမဲ့

ကိုယ် အောင်လံမလှဲကျဘူး။

ကိုယ်ဟာ မင်းသိတဲ့

တေလေမြစ်

သို့ ဆိုစေဦး

ဘယ်မြစ်ကျိုးခေတ်မျှ ကိုယ်လွင့်မပြု။

ကိုယ် မတ်မတ်ရပ်တယ်။

အရိပ်ဟာကွေးကောက်။

ထားပါ။

မာယာစကားနွံမှာတော့

ဘယ်သူအတွက်မှ ကိုယ်မကျွံ။

ဒီနေ့ည

မုယောစပါးအရည်နဲ့ ကရင်း

မင်းရဲ့ တေးကို

ဆိုမယ်..........ချစ်သူ

မင်းဘ၀

မင်းသာ

ပဲ့ကိုင်နိုင်ပါစေ။ ။

( ၄ )
ဝတ်မှုန်........

ကိုယ်ဟာ မိုးရွာတဲ့

အားလပ်ရက်တွေကိုပဲ ကြုံခဲ့ရသူပါ။

ကိုယ့်ကို လာခတ်တဲ့ နံရံလေးဖက်ထဲ တိတ်ဆိတ်

ထီးတစ်လက်အောက်မှာ

မီးပိတ်ပြီးအိပ်နေဖူးတယ်။

ဒါပေမဲ့..........ချစ်သူ

လူဆိုတာ အချိန်တန်ရင် လင်းနိုင်ရမယ်။

ကိုယ်ရောင်စဉ်ဟာ မှုန်မှိန်ပြချင်ပြမှာပဲ။

အဓိက လိုအပ်မှုဟာ

ကိုယ်ပိုင် သီချင်းနဲ့ ဖွံ့ပွင့်ရှင်းမြလင်းဖို့ပဲမဟုတ်လား။

ဘာကိုမှ ခိုင်ခိုင်ရူးရူး ဆုပ်ကိုင်မထားစမ်းနဲ့........၀တ်မှုန်

ပေတံဆိုတာကြီကို ၀ဲကျင်လိုက်စမ်း။

လူလူချင်းတောင် သေရင်တူးရတဲ့ ကျင်းချင်း

မတူကြပဲလေ။

ကိုယ်ကတော့ လူရှေ့သူရှေ့မှ

ဝပ်ပြုဆုတောင်းတတ်သူမဟုတ်ဘူး။

ပြေးရလွှားရ မောလှပါပေါ့

ခဏဖြစ်ဖြစ် ရပ်ကြည့်လိုက်စမ်းပါ။

ကဲ.....မှော်နှင်းမှုန်ငယ်

ဒီစမ်းအိုင်ဘေးမှာ ၀န်ထုပ် ခဏ ပစ်ချ

ကြာဖြူရနံ သင်းမြမြ ရှိုက်ရင်း

လာသမျှ၊ ဖြတ်သမျှတွေကို

စောင့်ကြည့်ကြစို့။ ။

( ၅ )
ဝတ်မှုန်........

ကိုယ်ဟာ အနံအရသာကင်းမဲ့တဲ့

အညတြသူငယ်ပါ။

ကံစမ်းမဲပေးသမျှ ပစ္စည်းတွေကို

စမ်းသုံးမကြည့်သူ၊

ရော့စ်ဂီတပွဲတွေကို

၇.၅ မိနစ်ထက်ပိုမကြည့်သူ၊

ခွေးနှစ်ကောင်ကိုက်တာ

ဝင်မကြည့်တတ်သူ၊

မိတ္တူစက်တွေကို

နှစ်နှစ်ကာကာကြီး မုန်းသူ၊

တကယ်ပါ.....ချစ်သော "မှော်နှင်းမှုန်"

ကိုယ့်ရဲ့ အိပ်မက်ဆိုတာ

ရိတ်သိမ်းပြီးစ ကောက်ပင်ဟောင်း အပြည့်နဲ့

ယာခင်းအိုအိုလိုပါပဲ

နှင်းကျတာတောင် မမော်ဝံ့တော့ဘူး။

ကိုယ်နဲ့ အတူတူ တွဲလုပ်ခဲ့တဲ့

ထွန်ဆွဲနွားတွေမှာတောင်

ကောက်ရိုးမျှင်တွေ ၀ါးလို့၊ ငြိမ်လို့၊ ငြိမ်းလို့။

ကိုယ်ကသာ

ချမ်းညစ်မောလျှ

ဆောင်းညတိမ်ထဲမှ လမင်းကိုပဲ ငေးနေမိ။ ။

( ၆ )
ဝတ်မှုန်.....

မသေမချင်း

ပန်းနဲ့ပေါက်သတ်ခံရသူလို

မနာကျင်ပေမဲ့ တမြေ့မြေ့ကိုက်ကျင်ခဲ.....ခဲ့ရပေါ့.............

ငါနေတဲ့

ကဝေပင်အိုအောက်က တေလေမီးတောက်ဘ၀........

ငါ့ဟာငါ အသားကျနေပြီးသားပါ။

ငါ့ကိုယ်ငါ လက်ခုပ်နဲ့ ခပ်ဆယ်ဖို့လောက်နဲ့

ငါ ဘယ်သူ့ကမ်းဘေးမှာမှ

ဒူးထောက်ချမပေးချင်ဘူး။

“ဒီ.........၀တ်ရုံကိုခြုံ....ဒီ....ပလ္လင်မှာ စံ.........

ဒီ.........မိုးပြေးကို ဥပက္ခာပြုပါ” လို့ပြောပြီး

စန္ဒကူးနန်းဆောင်မှာ ငါ့ကို အကျဉ်းချမဲ့.....မျက်ဝန်းတွေ.........

မလိုချင်ပါဘူး.........

ငါ့လက်နဲ့ သဲ့ခပ်ရတဲ့ မှော်အိပ်မက်ရုံကိုတောင်

ငါ မလိုချင်တော့ပါဘူး။

အားလုံးအတွက်.......ကျောဖြန့်ခင်းရင်း

လမင်းနဲ့ သီချင်းသံပြိုင်ဟစ်နေတတ်တဲ့....

ပေတစ်ရာလမ်းကြီးဘေးမှာ

ငါ...ဧကရဇ်ထိုင် ထိုင်ပြီး

လောကကို သတ္တမမျက်ဝန်းနဲ့ ကြည့်ဖြစ်တဲ့ ရက်တွေထက်

ဘယ်အာဏာကိုမှ မလိုချင်ခဲ့တော့ဘူး။

“အတူရှင်သန်ချင်ပါရဲ့........ကွယ်....” ဆိုတဲ့ သန်လျှက်အ၀ဲမှာ

ဘ၀တွေ၊ ဘ...၀...တွေ...ထစ်ထစ်ပိုင်းပိုင်းပြတ်လို့

အို...ငါ့ရဲ့ နှုတ်ဖျားကို ထိုစကားမစိုပါစေနဲ့....လောကသခင်။

ငါ...လွယ်နေကြ လွယ်အိတ်ထဲမှာ--------

ငါ့ လောကပါတယ်။ (ပဲခွပ်တစ်ချောင်းရဲ့ မီးချောင်းချောင်းအောက်မှာ အံကြိတ်သံတွေစီးကျလို့။)

ငါ့ ကိုယ်ပိုင်ခေတ်ပါတယ်။ (တံစဉ်းတစ်လက် လည်မှာစိုက်လို့ ခပ်ငိုက်ငိုက်ရပ်နေရရဲ့။)

ငါ့ ၀တ်ရုံပါတယ်။ (အရင်က အလင်းလို ဖြူခဲ့ဖူးလိမ့်မယ်။)

ငါ မွေးဖွားထားတဲ့ စကားလုံးတွေပါတယ်။ (တခါတခါ ငါ့ကို ပြန်ကိုက်တတ်တယ်။)

ပြီးတော့...........ငါ့ အတ္တ ပါတယ်။ (သူ့ကိုသူ ပြန်မျိုထားတယ်။)

လုံလောက်ပြီပဲ...၀တ်မှုန်။

ပုဝါနဲ့ ကာကာပြီး ပြောတတ်တဲ့ သူတွေနှုတ်ဖျားမှာ

ငါတို့ ရေစီးမတန့်ရပါစေနဲ့..........။

ပင်လယ်ဆီမရောက်ချင်နေပါစေ.............

အဆိပ်တိမ်တွေက ဖြိုးကျမယ့် မိုးပေါက်တွေပါမှ ရောက်မယ်ဆို

ပင်လယ်ဆီ မရောက်ချင်နေပါစေ.....ချစ်သူ။

တောင်တွေပေါ် ရှပ်ပြေးဆင်းလာမယ့်

လွတ်လွတ်လွင်မြူးငှက်တွေနဲ့ အတူ

မွှားမွှားမှုန့်မှုန်လင်းလို့

လမ်းချင်းတူရာမြို့တွေဆီ

ဂျပ်ပစီလှော်တက် တ၀ုန်းဝုန်းခတ်ရင်း

အပေအတေတံဆိပ် သီချင်းနဲ့

သွားနှင့်ကြရအောင်။ ။

        (၁) 

ဝတ်မှုန်.........

ကိုယ်........တိုးတိုးလေး၊ တိတ်တိတ်လေး

           နေတတ်ခဲ့ပါတယ်။

တကယ်ပါ.........

တကယ့်ကို တိုးဆိတ်ငြိမ်သက်

ကိုယ့် အသက်ရှုသံတောင် မထွက်ကျယ်ဘူး။

မျက်ဝန်းအမျိုးမျိုးမှာတော့

ကိုယ့် ပုံရိပ် အရောင်အမျိူးမျိူး

ပြိူးပျက်ထွက်နေမှာပါပဲ။

ရပါတယ်.......ယုန်ငယ်

ကိုယ်က မှော်အိပ်မက်တွေလွယ်

ပဉ္စလက်တေးဆို ထွက်မိသူကိုး။

ပြီး.........

နှုတ်ခမ်းကိုတင်း

    စကားလုံးတွေကို ငြင်းတတ်တယ်။

ကိုယ်............

    စကားလုံးနင့် နင်မှာကို စိုးလွန်လွန်းလို့ပါ။

တစ်ကိုယ်ရည် အေးညိမ့်

    တခါခါတိုင်း မင်းကိုတောင်

မေ့ထားခဲ့မိတယ်။

    ခွင့်လွှတ်ပေးပါ.......ချစ်သူ

 

    ( ၂ )

ဝတ်မှုန်.......

        အများများကြီးကို

ကိုယ် လစ်ဟင်းခဲ့မှာပါ။

မင်းမက်မယ့် အိပ်မက်ကို

    မဖတ်တတ်ခဲ့တာတော့ မဟုတ်ပါဘူး။

မဖတ်မိလိုက်တာပါ။

ပန်းပင်လှလှလေးရဲ့ လမင်းအိပ်မက်အတွက်

မြက်ပင်တစ်ရွက်က ဘာလုပ်ပေးသင့်သလဲ။

ပန်းပင်လေးပွင့်ရာ.......မြေခြေရင်းမှာ

ကိုယ်ရံမြက်ခင်းအဖြစ် ရပ်တည်ပေးရုံနဲ့

လုံလောက်လှပနေပြီ ထင်ခဲ့မိတာပေါ့......ချစ်သူ

ချစ်သူ့မျက်နှာတော်ကို မော့်ငေး

ရှေးကပညာကျော်တွေလည်း

ပန်းအိပ်မက်မက်ပြီး ဆွေးခဲ့ကြရတာ

စာနာတတ်ပါပေါ့.....

သူတို့အတွေးမှာ 

        သူတို့လွတ်လပ်

ချစ်သူ့ဘုန်းဘွဲ့ လကီာတွေ

              စပ်ဆိုသီကုံး

ပေရွက်ထက်မှာသာ

    လမ်းဆုံးခဲ့ကြတယ်။

    ....................

    ....................

    ....................

    ....................

ကိုယ်ကကော....

    အညတြအိပ်ဆောင်ထက်မှာ

တွေးချင်တိုင်း         လွတ်လွန်မြောက်လပ်

မင်းမဖတ်မိမဲ့

( မင်းအမှတ်တမဲ့ ထားလိုက်မဲ့ )

စကားလုံးသွတ် စာရွက်ထပ်တွေ

တဖွေးဖွေး ဘောင်ဘင်ခတ်အောင်

မင်းနာမည်တမ်းတတပ်ပြီး

 

 

 

 

 

ညတွေ

အိပ်ပျက်နေဆဲပေါ့......ချစ်သူ

 

    ( ၃ )

ဝတ်မှုန်.....

    မဆုံနိုင်မှန်းသိလို့ ဝေးပစ်လိုက်ရသူတွေကို

(ရင်ပက်လက်နဲ့ သရဖူကို ကမ်းပေးလိုက်ပြီးသူတွေကို)

              သူရဲဘောကြောင်သူတွေလို့

မင်း........စွတ်စွဲရက်လား။

သူတို့ လက်၊ သူတို့ ခြေတွေကို သုံးပြီး

သူတို့ သမိုင်းစာရွက်နွမ်းနွမ်းပေါ်မှာ

    ကြက်ခြေခတ်အမှတ်သာရအောင်

ဘယ်သူ လုပ်ချင်ကြပါ့မလဲကွယ်။

သူတို့ ယာမြေညက်ညက်ထက်

           ဇွဲသန်ကျဲပက်ပြီး

တတ်နိုင်ရာ မျိုးစေ့တွေ ဖြန့်ဖြန်းလိုက်ပေမဲ့.....

    ............

              ...............

   ..................

                  ....................

အဲဒီနှစ်မှာ.......

        မိုးရင်လည်း ခေါင်ခဲ့မယ်။

         မိုးရင်လည်း ပြိုခဲ့မယ်။

မိုးမှန်လေမှန် ပျိုးပင်သန်ခဲ့စေဦး

    ရိတ်သိမ်းရာသီမှာ

တခြားလက်တွေက ရိတ်သိမ်းသွားခဲ့ရင်.......

 

 

 

 

သူရဲကောင်း မဖြစ်တိုင်း

သူရဲဘော မကြောင်ကြပါဘူး........ချစ်သူ

 

ကိုယ်တို့လည်း........

မဆုံနိုင်လို့ ဝေးရခဲ့ရင်

တစ်ယောက်တေး တစ်ယောက်ဆို

အတူထွန်ယက်ဖူးတဲ့

    ယာခင်းကွက်လပ်လေးကို ရည်စူး

နောက်ရာသီအတွက်

           မြေဆွေး အရှာထွက်ကြရုံပေါ့........

           မြေဆွေး အရှာထွက်ကြရုံပေါ့........

           မြေဆွေး အရှာထွက်ကြရုံပေါ့........

 

    ( ၄ )

 ချစ်သူရေ ........

        ညခေါင်ခေါင်လို့ ဆိုပေမယ့်

        ကောင်းကင်ထဲမှာ

        ကြယ်ပြောက်ငါးတွေ ကူးခတ်

ကိုယ်......ချိတ်ပေးထားတဲ့ စာရွက်ကိုက်ချီ

        မင်းအိပ်မက်ကို ကကြိုးသီပေးကြလိမ့်မယ်။

 

ချစ်သူရေ.......

        တိမ်တွေဖုံးလို့ မမြင်ရသေးပေမယ့်

        လမင်းဆိုတာ ၀င်းနေတာပါပဲကွယ်။

ကိုယ် ဆိုတဲ့ သစ္စာကြောင့်

မင်းဟာ

        အိပ်မက်ယဉ်ထက်မှာ စံမြန်း

        ပုန်းနေတဲ့ လမင်းလမ်းကို

        ဖြတ်ခွင့် ရလိမ့်မယ်။

 

ချစ်သူရေ.......

        မျက်ဝန်းကို မှိတ်ထား။

        ဘာကိုမျှ မမြင်စေနဲ့။

အဲဒီအခါ

        မင်း  အလင်းကို မင်းမြင်လိမ့်မယ်။

 

ချစ်သူရေ........

        နားတွေကို ပိတ်လိုက်။

        ဘာကိုမှ ကြားအောင်မစွင့်နဲ့။

        အလင်းက စကားဆို လိမ့်မယ်။

 

            တစ်ခွန်းတည်း....

ကြည်အေးပြတ်ရှင်းစွာနဲ့  တစ်ခွန်းတည်း..........

 

 

 

 

မင်းဟာ  အလင်း ပဲ 

အဲဒီအခိုက်

        တိမ်မည်းတစ်ထောင်ဟာ ရေမှုန်တွေသယ်

        ဝေးရာပြေးကြစိမ့်မယ်။

        ဆူးတစ်သောင်းက ငုတ်တွေကိုမောင်း

        ၀ဠာတစ်ဖက်ပြောင်းကြစိမ့်မယ်။

မင်းဟာ မင်းကို မြင်ရမယ်။

 

တကယ်တော့

              ကိုယ်တို့ဟာ

စိတ်ကူးနဲ့

    မှော်ရုံတော အထပ်ထပ်ကို ပြန်ဆောက်

    အမှောင်ကို ပိုနက်စေမိကြတာပါ။

    ဘယ်ပိရမစ်ပဲဖြစ်ဖြစ်

    စိတ်နဲ့ မဆောက်ရင် မတောက်လာပါဘူး.....ချစ်သူ

    မီးအိမ်ကိုလည်း စွန့်ခဲ့ပါ။

    ၀တ်ရုံကိုလည်း ခွာခဲ့ပါ။

ဘယ်ခေါင်းစဉ်အောက်မှာ လုံမယ်ထင် ၀င်ပုန်းနေပါစေ........

        ကိုယ့်အားနဲ့ မထွန်းသမျှ

        ဘယ်ဘ၀မှ လင်းလာမှာ မဟုတ်ပေဘူး။

အမှန်မှာ......

    ကိုယ်တို့တွေဟာ

မီးစာမြုပ်နေတဲ့

မီးအိမ်တွေပါပဲ.........ချစ်သူ။        ။

                                ဘုန်းသန့်ခန့်