ဘယ်လိုတွေက ''မွန်မြတ်ခြင်း''လဲ။
လမ်းတွေမှာ နည်းကျလမ်းကျ လွဲနေရတယ်။
လူမမာဓာတ်စာနဲ့ အားပေးစကားသံများ၊
သြဘာသံယောင်နဲ့ ခြေထိုးသီချင်းများ၊
အရာရာက ချက်ကျလက်ကျ လည်ပတ်လို့။
"မြို့ပြရင်ကွဲဒဏ်ရာနဲ့ ည" ကပြောရဲ့...........
"တောအုပ်က ကျယ်ကျယ်
  ငါက သိပ်ငယ်လွန်းတယ်" ...........တဲ့။
မီးဒတ်က သူ့လက်ကိုသူ ရွံ့မုန်းသလို
မြို့ပြဟာ သူ့ဘ၀ကိုသူ အန်ချပစ်ချင်ခဲ့လိမ့်မယ်။
သူ့ခန္ဒာဗေဒမှာ မီးနီဖွင့်လမ်းမတွေပါနေရဲ့။
အိမ်ပြန်နောက်ကျ သူတိုင်းကို အကဲဖြတ်ဖို့
ပေတံတစ်လက်ဟာ အတိုအရှည် ညီမပစ်ချင်ခဲ့ဖူး။
ဒီလိုနဲ့ပဲ
ပေတံလေးဟာ အိပ်မက်တစ်စီးရဲ့ နောက်မြှီးပေါ်
တွယ်ကပ် လိုက်ပါသွားရပေါ့..........။
ကိုယ်ပိုင်သင်ပုန်းကြီးဖတ်စာကို မကျေသူတွေက
ဆောင်းခါးခါးတွေကြားမှာ ဆက်ရပ်ရင်း မောဟနှင့်အပေါင်းအပါတစ်စု နောက်ကို လိုက်သွားကြပြီ။
တရေးနိုးစ လမင်းက ယောင်ရမ်းပြီးအော်တယ်............
"အား................မိုးမလင်းသေးဘူးပဲ"
ပြီးတော့ မီးမပိတ်ဘဲ ပြန်အိပ်သွားရဲ့။
သူ့မှာ အရပ်မျက်နှာပြမထားမိတဲ့
ရတနာမြေပုံတစ်ရွက်ကလွဲရင် ဘာမှ မရှိခဲ့ဘူး။
အိပ်မက်က လက်မတို့ဘဲပြောသွားတယ်.......
ဖြစ်နိုင်ရင် နိုးပစ်လိုက်တော့တဲ့။
မင်းအမက်ခံရတာ ငါ့ရင်နာလိုက်တာတဲ့။



အဝေးက ခေါင်းလောင်းသံကြားမိတော့မှ...........
သြော်...........
                   နွံဆေးမိုးတွေ ရွာစပြုနေပါပေါ့လား................
                                                                  ဘုန်းသန့်ခန့်
                                                               A123626JAN09
--

ငါ့လက်ကနေ မီးတွေပန်းထွက်နေပါ့လား......

တစ်ချိန်က ပိုးစလို ရွာသွန်းခဲ့တဲ့ကောင်းကင်

အခုတော့ ........

ထုသားပေသားကျလို့......

အရာရာမှာ ကြမ်းရှ

မေမေ.......သားလက်ဖ၀ါးတွေ၊

တစ်ခါက မေမေပြောဖူးတဲ့

အနုပညာလက်ဝါးပြင်လေး...

အခုတော့ ကြမ်းတမ်းမာရင့်

လောကရဲ့ ပထမ ရင်ပြင်မှာ

သား .... ကြံ့ကြံ့ ခံရင်း ရဲရင့်နေရဦးမယ်။

။            ။ဘယ်သူ့ကိုမှလည်း မပြောတော့ဘူး.....။        ။

ဘယ်သူမှလည်း ဝေ့မကြည့်ချင်တဲ့

လမ်းအိုဘေးက ညောင်ပင်ကြီးလို....

မီးဒဏ်၊ နှင်းဒဏ်

ကုပ်ကပ်ရင်ဆိုင်ရင်း..........

အဲဒီ ပင်လယ်ကို မောင်းပစ်မယ်။

ဟင့်အင်း....... မမျှော်လင့်တော့ပါဘူး...........

ငါ့လက်တွေနဲ့ တည်ဆောက်လို့မရတဲ့ 

အရာမှန်သမျှကို မမျှော်လင့်တော့ဘူး။

ငါ့လက်တွေနဲ့ တည်ထားလို့ရတဲ့

တရားကိုပဲ ...... ငါ ကိုးစားတော့မယ်။

မှီချင်လို့ ရှာခဲ့တာလား........

မိုးချင်လို့ ရွာခဲ့တာလား..........

ဒီလောက တရားကိုလည်း

ငါက မကိုးကွယ်ဘူး။

 ဘယ်သူ့ရဲ့ နီတိကိုမှလည်း

ငါက မစွက်ဖက်ဘူး၊

သူတစ်ယောက်ရဲ့ အိပ်မက်ကိုလည်း

ငါဝင် သရုပ်ဆောင်ခွင့် မရခဲ့ဘူး၊

ငါ့အတွက် ဇတ်ညွှန်းကို 

 ငါပဲရေးတော့မယ်။

ဒီမှာ ဘုရားသခင်....

သင်ဖန်ဆင်းခဲ့စေဦး

အကျွန်က ကြွက်ချေးထဲ ၀င်နေမိတဲ့ ဆွမ်းဆန်....

တေလေနံတော့ သင်းနေလိမ့်မယ်။

ဘာလဲ....ဘာလဲ........လို့

ဝိုင်းမေးကြတိုင်းမှာ...

ပြန်မဖြေဖြစ်ခဲ့တာက လွဲရင်....

အားလုံးနဲ့ သင့်တင့်နေပါတယ်။

မေမေ........

သားလက်ကြမ်းကြမ်းတွေနဲ့ ဆောက်ထားမိတဲ့

ရွှေပေချပ်ပါ...........

ပင်လယ်ဆီကို မျှောလိုက်မယ်။

ဘာကိုမှ မမျှော်ကိုးတော့တဲ့အခါ

..................................

.................................

အရာရာဟာ

လှလိုက်တာဗျာ။

မကြောက်ဘူး........

မကြောက်ပါဘူး..........

ငါဟာ..............

လောကနက္ခတ်မှာ

ကြာဖြူကလွဲရင်

ဘယ်သရုပ်ကိုမှ 

ဒူးမထောက်ချင်တဲ့.......

 လူသားနူထရီနို ( human neutrino) ဖြစ်တယ်။

                                                                  ဘုန်းသန့်ခန့်

 

 neutrino သည် ဒြပ်ထုမရှိ၊ လျှပ်စစ်ဓာတ်မရှိ၊ အလျင်သာရှိသော အမှုန်တစ်မျိုးဖြစ်ပါသည်။