|
၁း၁။ ။ကိုယ်ဘယ်ကို ဦးတည်နေသည်လဲ။ ဘယ်ဆီမျှော်မှန်းနေသည်လဲ။ ဘာ့ကြောင့် လဲကျရပါလိမ့်။
၁း၂။ ။ကိုယ် ဖိနပ်ချွတ်ပစ်ပြီး မတ်မတ်ရပ်တယ်။ တချို့ တွေကတော့ ကိုယ့်ခြေပေါ် ကိုယ်ရပ်တည်နိုင်ပါတယ် ဆိုပြီး ဖိနပ်စီးထားကြရဲ့။ တခါက ဖတ်ဖူးခဲ့သည့် ``ဖိနပ်ပေါက်´´သူများကို သတိရတယ်။ နောက်ဆုံးစာကြောင်းက ဘာပါလိမ့်။``ခြေထောက်ကြောင့် ဖိနပ်ပေါက်ခြင်း နဲ့ ဖိနပ်ကြောင့် ခြေထောက်ပေါက်ခြင်း နှစ်မျိုးရှိတယ်´´ ဆိုလားပဲ။ သိပ်မမှတ်မိတော့ဘူး။ ဖတ်ပြီးတာကြာခဲ့ပြီိကိုး။ ကိုယ်ကတော့ ခြေဗလာကိုစီးပြီး မီးတောက်ခရီးကို ဆက်ခဲ့၏။ ဒီလိုနဲ့ပဲ လမ်းလျှောက်တတ်လာပါလိမ့်မည်။ ၂း၁။ ။အိုးကောင်းဖြစ်အောင်ပဲ နာနာပုတ်ခံခဲ့ရလေသလား။ နာနာပုတ်ခံဖို့ပဲ အိုးကောင်း ဖြစ်ရလေသလား။ ၂း၂။ ။``မင်္ဂလာပါ ဆရာမ´´ဟူသော နှုတ်ဆက်သံတို့သည် တခါတခါ ``မင်္ဂလာပါ ကြိမ်လုံး´´ ဖြစ်ဖြစ်သွားသည်။ မရရင် ရိုက်မယ်ဆိုသော စာသားကို ရရင်ပုံပြောမယ်ဟူသော စာသား သို့မဟုတ် အခြားသော သင့်တင့်ရာတို့ ဖြင့် အစားထိုး သုံးသွားချင်ပါ၏။ ၂း၃။ ။ရည်စားနှင့်စိတ်ဆိုးလာသော မလှသည် ဆရာမတစ်ယောက်ဖြစ်ပြီး၊ အိမ်ထောင်ရေး အဆင်မပြေဖြစ်လာသော ဦးဘသည် ဆရာတစ်ဦး ဖြစ်ခြင်းကြောင့် ကကြီး၊ ခခွေး ရေးတတ်စ ကျောက်သင်ပုန်းလေးများသည် တုန်ရင်နေရဦးမည်။ ၂း၎။ ။ဆရာကြီး အခန်းရှေ့ရှိ ခေါင်းလောင်းအိုကြီးသည် အိုကြီး၊ အိုမနှင့် ခဏ၊ ခဏ အရိုက်ခံရ၏။ ခေါင်းလောင်းအိုကြီးကို သနားမိခဲ့ပါသည်။ ၂း၅။ ။ကျောင်းတော်က ရင်ခွင်ကို ခွဲဖွင့်ပေးပြီးပေမဲ့ ကိုယ်မထွက်ခွာသေးပါ။ မြေဖြူမှုန့်တွေ နင်နေသော မီးခိုးရောင် ဆံနွယ်များကို နှုတ်ဆက်ခဲ့ ပါဦးမည်။ ဘာမှ မပေးကြသော်လည်း ကျွန်တော် စို့စို့ပို့ပို့ ရရှိခဲ့ပါ၏။ စစ်စစ်စီစီ သုံးစွဲသွားပါရစေ။ ၃း၁။ ။စာရေးသစ်သားခုံတန်းရှည်လေး၏ ထောင့်စွန်းတွင် ကိုယ့်အနွေးအင်္ကျီလေး ထိုင်နေပါသည်။ အဝေးက ငေးရရုံနဲ့ပင် နွေးတတ်ခဲ့ပါ၏။ ခဲတံချွန်သော စတီးဓားလေးသည် ခုံတန်းလေး၏ ကျောပြင်ပေါ်တွင် အနမ်းတစ်ပွင့် ပွင့်ပေးဖူးသည်။ ကြာသွားသော ကာလရောက်ချိန်တွင် ခြစ်ရာရှရာများပေပွကာ ပျောက်မြုပ်သွားပါလိမ့်မည်။ ၃း၂။ ။ဘ၀တစ်ဆစ်ချိုးဟူသော နာမတွေ၊ နတ်ကြီးတယ်ဆိုသော အယူအဆတွေ ၀တ်ဆင်ရေပန်းစားနေသော တံခါးတစ်ချပ်ကို ဖွဖွမခေါက်မီ ရက်များတွင် ကိုယ့်အနွေးထည်လေး ၀င့်ဝင့်မြတ်မြတ်ဝေလာသည်။ သင်းသင်းပျံ့ပျံ့မွှေးလာသည်။ ခုံတန်းရှည်များတွင် တစ်ကိုယ်တည်းထိုင်တတ်သော၊ ဘုရား တံတိုင်းပေါ်တွင် ငေးရီနေတတ်သော၊ တချို့ မေးခွန်းများကိုသာ ထဖြေတတ်သော၊ အကျီင်္တချို့ကို ရက်ရှည်မချွတ်တမ်း ၀တ်တတ်သော ကောင်လေးကို သူမနှင့်တွဲ၍ ပန်းနဲ့ လိပ်ပြာလို မည်သူမှ မပြောကြပါ။ (ပြောနေစရာလိုသော ကိစ္စမဟုတ်၍လည်း ဖြစ်နိုင်ပါ၏။) ၃း၃။ ။နှင်းတဖွဲဖွဲကျနေသည့် တချို့ညများတွင် ကောင်လေးသည် သူ့ဝတ်ရုံလေးအပါးတွင် တိုးတိုးလေးရပ်ကာ၊ ပန်းရုံဆီပြန်သွားမည့် ရနံ့လေး၏ လေပြေမဝေ့မီ အချိန်လေးများကို လုံခြုံစေခဲ့ဖူး၏။ ၄း၁။ ။ထိုသို့ဖြင့်ပင် တံခါးတစ်ချပ်သည် သူတို့ကို ဟင်းလင်းဖွင့်ပေးခဲ့သည်။ ထိုမည်သော ခြေလက်တို့နှင့်ပင် ငါတို့လှမ်းဝင်ခဲ့ကြသည်။ ထိုမည်သော တံခါးတစ်ချပ်နှင့်ပင် ငါတို့ဝေးကွာခဲ့ကြ၏။ ၅းဝ။ ။သက္ကရဇ်တို့ တ၀ုန်းထန်ထန်ကခုန်ခဲ့ကြသည်။ ပွင့်လွှာများလို ပြက္ခဒိန်ရွက်တို့ ကြွေကျခဲ့ရသည်။ ၆း၁။ ။ကိုယ်သည် ဇာတ်မင်းသား မဟုတ်သော်လည်း အ၀တ်တစ်ထုပ်ထမ်း၍ (အဿပြာတချို့လည်း တနင့်တပိုးရွက်၍) တက္ကသီလာသို့ ရောက်ခဲ့ရသည်။ရောက်လာခဲ့ပြီ။ ၆း၂။ ။ကိုယ့်တွင် သစ်ပုပ်ပင်မရှိ။ ဂျပ်ဆင်မရှိ။ အဓိပတိလမ်းမရှိ။ ဦးချစ်ဆိုင်မရှိ။ ၆း၃။ ။သို့သော်လည်း လိပ်မင်း ``၂၁၈´´ရှိ၍ နေမင်းသူရိန်ရှိပါသည်။ အဆောင်ရှေ့မှ ကွန်ကရစ်လမ်းရှိပါသည်။ Graffiti တွေနှင့် ကိုယ့်အခန်းလေးရှိပါသည်။ သူငယ်ချင်းအချို့ ရှိပါသည်။ အပေါင်းအသင်းအများအပြားရှိပါသည်။ စိုးစံလက်ဖက်ရည်ဆိုင် ရှိသည်။ ရိုးပြတ်နံ့နှင့် ညနေခင်းတွေရှိပါသည်။ ၇းဝ။ ။ဗလာစီးသော ခြေဖြင့် ကိုယ်လျှောက်၏။ ခုံမခုသောလက်ဖြင့် ကိုယ်ခူး၏။ သင်ရိုးအနည်းငယ်နှင့် စီချုပ်ထားသော အနွမ်းယောင်အသစ်များ အများအပြား ကိုယ်ရရှိခဲ့ပါသည်။ အာဒံ၏ သားတော်များ စုဝေးရာ ဒေသဖြစ်သဖြင့် ကိုယ့်အနွေးထည်လေးကို အနည်းအကျဉ်းတမ်းတမိပါသည်။ တမ်းတမိသော စကားတို့ကို စုကာသီထားတတ်သောအခါ ကိုယ်စာရေးလေ့ရှိသူ ဖြစ်လာ၏။ သို့မဟုတ် မှတ်ဥာဏ်နံပါတ်များကို အစီအစဉ်တကျ ချပြသူ။ အစီအစဉ်တကျ ဖျောက်ပြသူ၊ ဖရိုဖရဲ ဆက်ပြသူ၊ ..........သူ၊ ..............သူ ဖြစ်လာသည်။ ၇းဝ။ ။``မီတောက်ရစ်သမ်´´ကို ကြိုက်၏။ ``ပန်းကျောင်း´´ကို လွမ်း၏။ ``စည်းအပြင်ကလူ´´ကို အားမရ။ ထို့ထက်ပို၍ ကိုယ် ခံစားဖူး၏။ ``ပြိုင်မြင်းတို့၏ ခွာသံများ´´ကို ကြား၍ ``သမုဒ္ဒရာဖတ်စာ´´ ကို ပိုက်ကာ ``အနုပညာစံ´´ကို တွေ့ခဲ့ဖူးသည်။ ``စက္ကူပေါ်က သစ်ပင်´´ပေါ်တက်ဖူးသည်။ ``စကားခုနစ်ကြိမ်ကြာပြီးနောက်´´တွင် ကိုယ် ဘာဖြစ်ခဲ့သေးလဲ။ ထိုသို့ ဖြင့်ပင် ကိုယ် လည်ပတ်ခဲ့သည်။ ကိုယ့်လက်တံတို့သည် ဘယ်ဆီညွှန်းလေမလဲ။ ဟာသတစ်ခုထဲကလိုပင် ထိုးပြီး ဆယ့်ငါးမိနစ်၊ လက်တံအတိုက ကျပျောက်ထားတာကြာပြီ။ ၈းဝ။ ။ထိုသို့ဖြင့် ညများတွင် အိပ်မပျော်တတ်တော့ပါ။ တိတ်ဆိတ်ခြင်းနှင့် စကားစမြည်ပြောရင်း ကိုယ်ပွားယူခဲ့သည့် ပန်းရုပ်ပွားကို တိုင်တည်၊( ပွားယူခဲ့သည်ဆိုသော်လည်း ဘယ်နေရာမှာ လင်းပနေသော မီးအိပ်လေးကမှန်းမသိခဲ့ပါ။)၊ လမင်းမကြားအောင် တိတ်တိတ်လေး စကားဆိုရင်း နေသားတကျ ရှိလာသည်။ ၉း၁။ ။ကျွန်တော့် ဥယျာဉ်သည် ထိုသို့ဖြင့်ပင် ဝေစီခဲ့။ နက်နက်လှိုက်တူးထားသော တွင်းနှုတ်ခမ်းမှ ကပ်၍ ဘာမှမရှိဘူး ဟူသော အော်သံကို ထိတ်လန့် တသာနားဆင်ခဲ့ရ၏။ ဘာမျှမဆိုင်သော အိပ်မက်များကို ချွတ်ချပစ်လိုက်တော့မည်။ ၉း၂။ ။ဘာအတွက်စားသောက်နေသလဲ။ ဘာအတွက်ရှင်သန်နေသလဲ။ ၉း၃။ ။ဘာအတွက်မှ မဟုတ်ပါ။ ဘာကိုမျှလည်း မတပ်မက်တော့ပါ။ ၉း၎။ ။တခါက မက်မောမိသော ကစားစရာများသည် လက်ထဲတွင် မက်မောစရာ မကောင်းတော့။ မက်မောစရာအသစ်ကို ထပ်တွေ့ရပြန်သည်။ စတိုးဆိုင်ထက်မှာ အကောင်းဆုံး နာမည်တပ်လို့။ ဘယ်တော့ဆုံးမလဲ။ ၉း၅။ ။အနက်ရောင်၏ ဟိုးအောက်ခြေထိ ဆင်းကြည့်ချင်သည်။ ဘာကြောင့်နက်နေသလဲ။ အဖြူရောင်မရှိတော့သောအခါ အားလုံးတူညီသွားမည်လား။ ၉း၆။ ။ဘယ်သူ သတ်မှတ်ခဲ့သလဲ။ ဘယ်သူ ပိတ်မိခဲ့သလဲ။ ကျေးဇူးပြု၍ မဖြေပါနဲ့တော့။ ၉း၇။ ။ကျွန်တော့်တွင် ဖိနပ်လေးတစ်ရံမရှိခဲ့ပါ။ ( ရှိခဲ့လျှင်လည်း မ၀တ်ဆင်ချင်ပါ။ ကိုယ်သွားချင်ရာကို သူက မလိုက်ချင်လိုက်ချင်ဖြင့် လိုက်နေရလျှင် သူပင်ပန်းနေဦးမည်။) ထို့အတွက် ပို၍မြေကြီးရနံ့ကို ခံစားမိ၏။ ညောင်းနွမ်းလာသောအခါ လမ်းဘေး သစ်ရိပ်အောက်ဝင်ထိုင်ရင်း ရောက်တတ်ရာရာ တေးများကို ငြီးဖူးသည်။ ၉း၈။ ။သူတစ်ပါး မျက်လုံးထဲတွင် အသက်မရှင်ချင်ခဲ့။ နေရတာကျဉ်းကျပ်နိုင်သည်။ သူ့မျက်ဝန်း သေးသေးလေးနှင့် ကိုယ်မည်သို့မှ ဆန့်မည် မဟုတ်ချေ။ ထိုအခါတွင် စကားလုံးများကို သွားတိုက်မပေးဘဲ ရွတ်လာကြဦးမည်။ ၉း၉။ ။ကိုယ်လျှောက်တတ်သလို လျှောက်နေပါ၏။ ၀းဝ။ ။ဘယ်ဆီရောက်ရောက်ပေါ့။ အဓိက ကတော့ ကိုယ်လျှောက်နေဖို့ပဲပေါ့။ ဘုန်းသန့်ခန့် A014512JUL08 -- http://www.phonethantkhant.co.cc
0 Comments
Leave a Reply. |
 Author
|
RSS Feed