ခရမ်းရင့်စာချွန်

မနက်ခင်းတစ်ခုတော့ ရောက်လာပြန်ပါပြီ။ ဒါပေမဲ့........ အားလုံးဟာ အရင်လို မဟုတ်တော့ဘူး။
ဥပမာ။     ။ မနေ့   က လှခဲ့မဲ့ အိပ်မက်တွေ ဒီနေ့   မလှတော့ဘူး။
                မနေ့   က ရေးခဲ့တဲ့ စကားလုံးတွေ ဒီအချိန်မှာ ယွင်းပြိုကျ။
ဒီလိုနဲ့  ပေါ့ ......... တစ်ကနေ တစ်ဆယ်ကြားကာလလေးမှာ သုညလေးအတွက် နေစရာမရှိခဲ့ဘူး။ ၀ိုင်းဝိုင်းစက်စက်လေး နေတတ်ရုံနဲ့  လုံလောက်ပြီထင်ခဲ့တာလေ။ ၀ိုင်းကြီးပတ်ပတ်ဆိုပြီး ငါ့ကို စည်းခြားခတ်သွားပြီ။
          အဝေးနေ့ နွမ်းတွေကို လှမ်းကြည့်တယ်။ တစ်ယောက်တည်း၊ တစ်ကိုယ်တည်း၊ တစ်ခုံတည်း အတန်းနောက်ဆုံးမှာ မင်နီတွေရဲလို့။ ဘယ်သူမှ မသိခဲ့ဘူး။ ဘယ်သူမှ မသိချင်ကြဘူး။ တခါတခါ ပွင့်ပေါက်ကျဲထွက်တော့ ၀ိုင်းပြောကြပြီ......... ဒီကောင်အရူးတဲ့။ ဟုတ်မှာပါ။ ငါ့ သားရဲဂူဟာ သိပ်ကို မှိုစော်နံနေမယ်။ မလာချင်ကြနဲ့ ....... မလိုက်ချင်ကြနဲ့ ....... နေနဲ့ ထိရင် ငါ့ရင်ထဲက နှင်းတွေအရည်ပျော်တတ်ပြီးသား........ ရေခဲစိမ်အာဃာသတွေ မရှိုလို့ ...........အပေါ်ယံ မမွှေးမြဘူး။ မလာချင်ကြနဲ့......မလိုက်ချင်စမ်းနဲ့။
           ဒီလိုနဲ့ ........ဒီလိုနဲ့ ......... ကျောင်းတော်ငယ်ငယ်၊ လူငယ်ငယ်။ ဒါပေမဲ့............ သင်တန်းခန်းမနဲ့ အဝေးကြီး တကယ့်ကို အဝေးကြီး ဝေးသွားတယ်။ ရယ်သံတွေနဲ့၊ ကြည်စယ်နောက်ပြောင်သံတွေနဲ့ ........ အဝေးဆို အဝေးကြီး.......... ဝေးနေခဲ့တယ်။
            အဲလိုကြောင့်ပေါ့.......... သူ့ကိုယ်သူ ပြန်သိုသိပ်တတ်တဲ့ ပွေးငယ်လေးတစ်ကောင်လို ငါ့ကိုယ်ငါ ပြန်သိမ်ငယ်ခဲ့တယ်။ ပြောပြလည်း နားမ၀င်ကြတဲ့ သူတွေအတွက် ပြေမပြတတ်ခဲ့သူ၊ ပြေပြဖို့ ကြိုးစားလိုက်တိုင်းမှာ ကျိုးကျခဲ့ရသူ။ ဒီလိုတေးနဲ့ ၊ ဒီလိုလက်ရေးနဲ့ ......... ဘုရားအို တံတိုင်းဘေးမှာ ငါရယ်၊ မြက်အိုခင်းတွေရယ်၊ ရေမှော်ရေညှိတွေရယ် အမြစ်တွယ်တတ်လာတယ်။ ရေထိမှ လန်းမဲ့သူတို့ အတွက် ရေစက်တွေကို လူမသိသူမသိဖြန်းပေးဘူးတယ်။ မိုက်တတ်ပြီး မရဲရင့်သူတွေအတွက် မမိုက်ပေမဲ့...... ရဲရင့်ပေးခဲ့လို့........ အားလုံးအမြင်မှာ လူမိုက်လို့ ကမ္ဗည်းတပ်ခဲ့ရတယ်။ ကိုယ်က အသားတကျ ၀ိုင်းစက်ချင်ခဲ့ပေမဲ့ .................. အသားတကျ ၀ိုင်းစက်ခွင့်မပေးကြဘူး။
           တဖြည်းဖြည်းနဲ့ ၊ ဒီိလိုနဲ့ တဖြည်းဖြည်းလေးပေါ့ .........။ ကမ္ဘာဦးလူသားလို ရှင်သန်ပြီးနေခဲ့ရတယ်။ ကမ္ဘာဦးလူသားလိုပဲ တစ်နေ့မှာ နံရိုးတစ်ချောင်း ပျောက်ခဲ့ရတယ်။ ဟိုရှာဒီရှာ ငါ့ လာရာလမ်းတစ်ရိုးမှာ.......... နောက်ကျခြင်းမိုးတွေချည်းပဲ မည်းမိုက်ရွာလိုက်ကြတာ။ မတောင်းဆိုတတ်တဲ့ သူအတွက်၊ မတောင်းတတတ်တဲ့ သူအတွက်...... ဒီသစ္စာတွေ မမှန်ဘူးတဲ့လား။ အတင်းတစ်ဖက်စွန်းမှာ ကပ်ရှောင်ပေးထားသူရဲ့   အတွေးတွေကို ရူးလွန်းတယ်လို့ပဲ သတ်မှတ်ထားစေဦး တခုတ်တရမဖတ်ကြားဘဲ လုံးချေပစ်လိုက်ကြပြီလား။
           ပြောကြပါဦး....... ဘယ်သူ့နာမည်တပ် ငါဆုတောင်းရမလဲ။ ဘယ်သူ့ နာမည်တပ် ငါ........၊ ငါ.........၊ တယုတယ တိုင်တန်းရမလဲ။ အလင်းဆောင်သူတွေနဲ့လည်း ဝေးခဲ့တယ်။ ငါ့ကို လောကဆီသယ်ပိုးလာပေးသူတွေနဲ့လည်း ဝေးခဲ့တယ်။ ယုံကြည်စရာလည်းမဲ့၊ နားခိုစရာလည်းမဲ့.......။ ဒီလိုနဲ့..... ဒီလိုနဲ့........ စကားပြောစရာမလိုတဲ့...... အလွယ်တကူပြန်ခွင့်လွှတ်တတ်တဲ့....... င့ါကို ဘယ်လိုမှ အပြစ်တောင်မယူတတ်တဲ့........ တောင်နေကြာဝါ၀ါတွေကြားမှာ၊ ချယ်ရီချပ်တွေအောက်မှာ၊ ဆိပ်ဖလူးရနံ့တွေကြားမှာ ကိုယ့်လက်လေးကိုယ်ဆွဲနွေးတွေးခဲ့ရတယ်။ နွေးထွေးခဲ့ဖူးတယ်။
           သတ်မှတ်ချက်တွေကလည်း ငါ့ကျမှမှားပစ်ကြရဲ့  ။ ကျမ်းစာတွေကလည်း ငါ့ကျမှ ပေါ့ပျက်ပျက် လုပ်ပစ်ကြတယ်။ 
ဘယ်သူ့ကိုမှ အပြစ်မတင်ပါဘူး။
ဘုရားကိုလည်း အပြစ်မတင်ဘူး။
လောကကိုလည်း အပြစ်မတင်ဘူး။
ငါ့ကိုငါပဲ ဖြစ်နိုင်ရင် ခဲဖျက်ဖြူဖြူနဲ့ ဖျက်ပစ်ချင်တယ်။
           ပြောပြချင်ပါရဲ့   .........``ကျဉ်တောက်စွပ်ထားပေးပြီးမှ ထောင့်မကျိုးဘူးဆိုတော့´´....... ငါ ဘာမှထပ်မပြောချင်တော့ဘူး။
ဘာမှ မပြောပြတတ်ဘူး။
            အတင်းကြိတ်မှိတ်ထားခဲ့ရသမျှတွေကိုလည်း လေးလေးလံလံသယ်မသွားချင်ခဲ့ဘူး။ ခြေရဲ့   ဦးတည့်ရာထက်........ စိတ်ရဲ့   ဦးလှည့်ရာဆီ လေလိုလွင့်ပစ်ခဲ့တယ်။ ပန်းရနံ့  တွေကိုလည်း စကားလုံးတွေ အဖြစ်သာ ပြန်မွေးဖွားပစ်ခဲ့တယ်။ ဘာမှသိအောင် မလုပ်ခဲ့ဘူး။ ဘာမှ ထင်အောင် ထွင်းဆစ်မသခဲ့ဘူး။
             ငါက လူမိုက်ပါကွယ်။ မင်္ဂလာတရားတော်ထဲမှာ ``အသေ၀နာစ ဘာလနံ´´လို့   ရေးထားခံရသူပေါ့။ ဒီလိုကြောင့်နဲ့  ပဲ ထမင်းရည်ပူစည်းကျပ်ပြီး ကျဉ်ပစ်လိုက်ကြသတဲ့လား။ ဒီလိုလေးသာပဲ မပြင်မဆင်နဲ့ ထားပစ်လိုက်ကြပြီလား။ အလင်းဆောင်သူတွေရဲ့   ပညတ်တော် တရားတွေထဲမှာ ပဲ့ပြင်လမ်းပြခြင်းတွေ ဖွေးဖွေးလှိုင်လှိုင်ပွင့်နေပါရဲ့   ။ လိုရာဆွဲ ဓားချက်တစ်စနဲ့   အန္ဓတို့  ဘ၀ လဲကျပေးလိုက်ရမှာလား။ ဒီလိုနဲ့ ပဲ စကားတွေ ဆွံ့အ၊ ဘယ်နတ်ဘုရားကမှလည်း လမ်းမှန်မပြခဲ့ပြန်ဘူး။
            ဒါပေမဲ့........တစ်နေမှာ မတူမတန်မှန်းမိလာခဲ့တဲ့... လူငယ်...........။ ကဗျာစတွေက လွဲပြီးဘာမှ မသိတဲ့......... လူငယ်။ ချစ်သူကို ချစ်ဖို့သာသိတဲ့ ...လူငယ်။ ဒဏ်ချက်တွေနဲ့ လဲကျပြိုလုနီးနေမှန်း ကိုယ့်ကိုယ်ကို မသိဘဲ........ ပန်းတစ်ပွင့်ဆီ စိတ်နဲ့ နမ်းချင်ခဲ့ပြီ။
            ချစ်သူရယ်........ အစွန်းတစ်ဖက်မှာ ကပ်ရပ်ရှင်သန်ခဲ့ရသူရဲ့   အိပ်မက်ကို တခါတခါ သည်းခံနားလည်ပေးလိုက်ပါလား။ ငါက စိတ်လိုလက်ရရှိမှ စကားတွေပြောတတ်လို့ပါ။
            ချစ်သူရယ်........ နာကျင်စရာတွေ ပရပွနဲ့ လမ်းမှာ၊ ဟစ်အော်ချင်ခဲ့သူ တစ်ဦးရဲ့   ဟစ်အော်သံဟာ အရိုင်းဆန်နေလိမ့်မယ်။ ထန်းသီးက အညှာကျွတ်စမှာ ကျီးကန်းက ခြေချလိုက်မိသလို.... ဘာပဲဖြစ်ဖြစ်၊ ဘာပဲဖြစ်ဖြစ်.... အပြစ်လို့ ဖြစ်လာခဲ့ပြီ။
           ချစ်သူရယ်...........အပြစ်ပရပွနဲ့ လူကို နာကျင်အောင်၊ ပိုမိုနာကျင်အောင် ပြောဆိုနေမဲ့အစား...... ဆေးကျောခွင့်ပြုလိုက်ပါလား။ နယူတန်နိယာမတွေအစား....... မင်္ဂလာတရားတော်နဲ့ အစားထိုးပေးလိုက်ပါလား။
            အပြစ်သားတစ်ယောက်လို နင့်ရှေ့  မှာ သိမ်ငယ်ဝပ်ကျိုးပေးထားပြီပဲ...... ၀တ်မှုန်ရယ်။ ဒူးလည်း ထောက်ထားပြီ။ လက်လည်းမြှောက်ထားပြီ။ စွဲလက်နက်ကိုလည်း စွန့်ခြေခဲ့ပြီးပြီ။ ဘာတွေများထပ်ပြီး လဲကျပေးရဦးမှာလဲ။ မှားတတ်သူတွေရဲ့   မှားတတ်ကြောင်းဝန်ခံချက်ကို ပြင်ဆင်ချက်မပါဘဲ တင်ပြခဲ့တာပဲ။ ပယ်ချခဲ့ရင်.... ဒီထက်ပိုပြီးဘာမှလည်း လုပ်မပြတတ်တော့ဘူးကွယ်။
            ၀တ်မှုန်ရယ်.......... တခါတခါ လူလိုသူလို ချစ်တဲ့သူကို နွဲ့  ဆိုးဆိုးမိတတ်တာပါ။ ကြုံခဲ့ရသမျှ အပူကို ချစ်သူရှေ့  မှ ဟူး........... ဆို မှုတ်ထုတ်မိတတ်ကြတာပဲ။ ဒါပေမဲ့ကွယ်.... နည်းကျလမ်းကျ ဘယ်အရာမှ သင်မရခဲ့သူအတွက်တော့ အမှန်ခြစ်ရင်တောင် ကြက်ခြေခတ်နဲ့  တူနေရတဲ့ အဖြစ်လို........ အခုလည်း မှားခဲ့ပြန်ပြီကွယ်။
            ချစ်သူ......... မင်းရှေ့  မှာ ငါလက်ပိုက်ပြီး ရို့  ရို့  ၀ပ်ဝပ်ရပ်နေပြီလေကွယ်။ အမှားတွေကို မှင်နီတားပြပြီး၊ အမှန်ကို တစ်မျိုးဆယ်ကြောင်းထက်မက ပြန်ရေးခိုင်းလိုက်ပေါ့။ အဲဒါဆို ငါမငြင်းပါဘူး။ မင်းစေရာကို သွား၊ မင်းခိုင်းတာကိုလုပ် မင်းကျေနပ်တဲ့အထိ မင်းပုလ္လင်ရင်းမှာ ဒူးထောက်ခစားနေပါ့မယ်။
           မင်းမသိတဲ့ ငါ့ဘ၀အပူတွေကို၊ မင်းမသိတဲ့ အိပ်မက်မြူတွေကို ဒီအတိုင်းလေးပဲ ငါသိုသိပ်လိုက်ပါ့မယ်။ တစ်ခုတော့ရှိတာပေါ့......... သူတစ်ယောက်တွေလိုတော့ မင်းကို နေတရောင်လတရောင်နဲ့  မင်းလက်ညှိုးညွှန်ချက်တိုငး လမင်းဖြစ်အောင် လုပ်မပေးနိုင်တာကိုတော့ ပြောပြရမှာပဲ။ ဟိုဒီကူးသန်းနေတဲ့ တိမ်လိုဘ၀မှာ ငါ... မင်းနဘေး ထာဝရကပ်မရှိနိုင်ကြောင်းကိုလည်း ပြောပြရမှာပဲ။ ထားလိုက်ပါကွယ်....... ပြောဆိုရတာများ... ကြာလာရင် ခရိုးခယိုင်အိပ်မက်တွေကုန်လိမ့်မယ်။
           ပူတောက်ပြင်းရိုင်းတဲ့ လောကမုန်တိုင်းကြောင့် မင်းဆီဝုန်းဆို လွင့်ကန်လာရင်း.... မတော်တဆ ထိသွားတာပါကွယ်။ နာကျင်သွားရင် ခွင့်လွတ်ပေးပါ။
            xxx``အပြစ်ရှိလျှင် ခွင့်လွှတ်တော်မူပါ။
                   သို့  တည်းမဟုတ်.... အပြစ်ယူတော်မူပါ။
              မည်သို့  ပင်ဖြစ်စေ.....
                   သင်လာသောအခါတွင် တိုက်ကျွေးရန်အတွက်
                    အေးချမ်းတတ်သော သောက်ရေဖြူဖြူတစ်ခွက်ကို
               ယခုပင်လျှင်
                    ဤလက်များဖြင့် ခပ်ယူခဲ့ပြီးဖြစ်ပါသည်။´´
ဝတ်မှုန်............. အပြစ်ကိုသိလို့ ပြင်ချင်သူကို ခွင့်ပြုပေးပါ။ ရှေးပုရပိုဒ်စွဲ အယူတွေနဲ့  ``မလှတိုင်းစုန်း´´ လို့ ယိုးစွပ်ခဲ့ပြီလား။
              +++ ``ချို့  တဲ့သော ဘ၀
                       ဆန္ဒရဲ့   မပြေလည်မှု
                       အနီရောင်မှတ်တမ်းတစ်ခုနဲ့   ချစ်သူ့  အတွက် ပန်သစ္စာ
                       သြော်.........ငါ့ကိုလေ
                         နားလည်ပါ.......... နားလည်ပါ
                           နားလည်စမ်းပါ............။´´
                                                           ဘုန်းသန့်ခန့်
xxx``......´´   တာရာမင်းဝေ၊ ``မျှော်သူ´´မှ
+++ ``....´´   တာရာမင်းဝေ၊ ``မီးတောက်ရစ်သမ်´´မှ