ပန်းဘာသာ

     ၁။စာသင်ခန်း     ငြိမ်ငြိမ်လေးထိုင်နေကြသူများကြားတွင် တိုးတိုးတိတ်တိတ်လေးကိုယ်ထိုင်နေသည်။ မကြားတတ်သူ တို့အတွက် အပ်ကျသံပင်ကြားလိမ့်မည်မဟုတ်။

    သူငယ်ချင်းက ပြောဖူးတယ်.....

``တခါတခါ အားလုံးရှိနေပေမဲ့ နှစ်ယောက်တည်း သင်ကြားနေတတ်တယ်ကွ´´တဲ့...။

             ၂။ဖတ်စာ   ပန်းပွင့်လေးအကြောင်းကို သင်ပုန်းကြီးဖတ်စာလို ရွတ်ပြချင်ပါ၏။သို့ပေမဲ့ ကိုယ်မှာ ပုဒ်ရင်းစာအုပ် မရှိခဲ့။ဝေးလံငေးမော ကိုယ့်နှုတ်ခမ်းတင်းတင်းက ဘယ်လိုမှ ပြောမပြတတ်ဘူး။တစ်ခုသာသိသည်။ ပန်းပွင့်လေးသည် ၀တ်မှုန်၊၀တ်ရည်ရည်တို့ကို ငွားငွားစွင့်စွင့်ပန်ရင်း လှလွန်းနေ၏။

           ၃။ ကျောင်းဆင်းချိန်   တစ်ကိုယ်တည်း လှမ်းရ၍ ကိုယ့်ခြေလှမ်းတို့ လေလိုမြန်နေ၏။

သို့သော် ပန်းရနံ့ လေးသာ တွဲခိုဝန်းရီလိုက်မည်

ဆိုပါလျှင်...

ကိုယ် ငြိမ့်ငြိမ့်သာသာလေး လှမ်းဝံ့ပါသည်။

       ၄။အိမ်စာ အပြန်လမ်းတွင်လည်း စဉ်းစားအဖြေရှာလာခဲ့သည်။စာကြည့်စာပွဲတွင်လည်း ငေးငူလင်းဖြာ ကြည့်သည်။အိပ်ယာထက်မှာတောင် လွင့်မျောတွေးတောမိ၏။

နောက်ဆုံး လမင်းကြီးကို ငေးပြီး ဘာမှမတွေးတော့ဘဲသာ လွမ်းလိုက်ရသည်။

    ၅။ဝတ်တတ်ဆုတောင်း ထိုသို့ဖြင့်ပင်....
အန္စခြေလှမ်းကို လမ်းဖြစ်အောင်နှင်ခဲ့ပါ၏။
ထိုသို့ဖြင့်ပင်....
အမှောင်ဖောင်ဖောင်ကို လမင်းဖြစ်အောင် လင်းခဲ့ပါ၏။
ထိုသို့ဖြင့်ပင်....
နှင်းခေါင်ခေါင်မှာ နွေလည်ရောက်ခဲ့ပါ၏။
ဤမှန်သော သစ္စာကြောင့်
အကျွန်ဆိုသည့် ပန်းဘာသာကို
ကြင်သူနားလည်ပါစေသား......။
ဘုန်းသန့်ခန့်