အမှောင်လက်ချောင်းတွေနဲ့ဆောက်မိသောတိမ်

        အမှောင်လက်ချောင်းတွေနဲ့ ဆောက်မိသော တိမ်
                
                (၁)
လူငယ်ဘယ်နှစ်ဦးများ ဒီလိုလဲကျခဲ့ပြီလဲ။
.........    ..............    ............
.........    ..............    ............
ဘာမှ ချယ်မှုန်းမထားတဲ့ ပန်းချီချပ်လို
နက်လွင်ရှိုင်းရှိုင်းတောက်စားသွားတဲ့
    အညိုရောင်မျက်ဝန်း
ငါ.........လေ
မင်ဆီကပဲ ပျားရည်ချိုကို သောက်ပါရစေ။
ငါ ရယ်သွမ်းသွေးဖူးပါရဲ့......
အောင်လံတလူလူလင်းခဲ့သော
    စစ်မြေက သူရဲကောင်းရာဇ၀င်မှာ
ပန်းဘာသာစကားတွေကို
    ရယ်သွမ်းနှိမ့်ချဘူးပါရဲ့.........။
အခု မျက်တစ်ခတ်မှာမှ
အို.......စစ်မြေငြိမ်းမြသွား
    နှင်းတွေ၊သီချင်းတွေ
ဘယ်ကကျလာ၊ကောင်းကင်ကလား။
ငါသွေးစွန်းဓားတောင်
စက္ကူဟောင်းတစ်ချပ်လို ညွှတ်ကျ...........
တိုက်မောင်းသံတွေ၊တံပိုးခရာသံတွေ
    ဆူဆူဝံ့ဝါလျှံမည်ကြ။
မ........ဟုတ်..........ဘူး၊မဟုတ်ခဲ့လေဘူး။
`ရင်ဦးဟိန်းသံ´
    ဟုတ်မယ်။ဟုတ်လိမ့်မယ်။
မြို့ပျက်ဖုန်ဆိုးခေတ်ဆီကနေ ငါ့ကိုငါ လက်တွဲ......
အံတင်းဆွဲထူစကတည်းက
သေးဆုံးသွားသော ``ပန်းရဲ့ရင်သွေးနှင်းကာရံ´´။
မင်းလက်နဲ့သာ သိမ်းလိုက်စမ်းပါ.......၀တ်မှုန်။
တကယ်တော့ငါ့ခန်းဆောင်ဟာ
တစ်စုံတစ်ပွင့်အတွက် ဦးဆွေးဆံမြည့် မထမ်းရွက်နိုင်တောင်မှ
ဓားပစ်လှံချ မင်းရှေ့မှာ ဒူးတစ်ဖက်ထောက်လို့နေ.......
ဝတ်မှုန်.......၀တ်မှုန်.......၀တ်..........မှုန်........
    အလယ်ခေတ်အမှောင်မိုက်အတွက်
    ခဏတစ်ဖြုတ်တော့
        ငါ့ကို............................
ရှိုက်ငင်ဝမ်းနည်း ငိုခွင့်ပေးပါကွယ်။
        
        (၂)
ပြက္ခဒိန်ဦးကို လှန်မိတော့
ခွပ်ဒေါင်းတွေ ငြိမ်သက်တဲ့လ
မီးတိမ်တွေတောင် တပေါက်ပေါက်ကျလို့
ကြယ်တွေလည်းမှိန်ဖျော့ဖျလျပြီ။
တေးတွေက သီချင်းကိုမဆိုတော့ဘူး။
သံစဉ်တွေဟောင်းနွမ်းမြေ့ကြ
သြော်........ညလေပြေမှာတောင်
အလင်းရနံမပါတော့ဘူး။
မူးမူးမိုက်မဲ လျှောက်ခဲ့သူ
ခလုတ်ထိပြီးကာမှ ပန်းငယ်ကို ရမ်းတမိ။
မျက်စီစုံညှိမ်းလို့ တိမ်ရိပ်ကိုပိတ်
အမှောင်ထဲမှာ နှင်းကို မြင်ချင်မိ။
လေပြေတွေ ငြိမ်းသွားရင်တောင်
ကိုယ်........ဆက်လွင့်နေဦးမယ်။
ကိုယ်ဆိုဖူးပါတယ်၊
မြို့ငယ်ငယ်ရဲ့ တေးအိမ်ကိုပေါ့.......
    ``ပန်းငုံခေတ်ဝတ်ရုံ´´
ရှက်လွန်လွန်းတဲ ပန်းတွေ ဟုန်းနေအောင်ဖူးလဲ့သည့်နေရာ။
ဒီခေတ်ရောက်ပြီးမှတော့ ဒီတေးကို
    ကိုယ်လည်း ခပ်လေးလေးတော့
တိုးဖျော့ဖျဖျ ဆိုပါရစေ........၀တ်မှုန်။
ကိုယ်.........................................
...................................................
...................................................
    လွမ်းလှမောပြီ။
အခေတ်ခေတ်ခေါင်းငုံ့ကာ
    မ၀ံ့မလပ်နောက်ဆုတ်ခဲ့ရသမျှ၊
ကြောက်လန့်တိုးမှိန်ပြီး
    အဝေးက အလင်းမြစ်ဆီ
ကျစ်ကျစ်ဝှက်ထိတ်ငေးခဲ့ရသမျှ၊
    သူ့ကို ပေါက်ကွဲပွင့်လန်းခွင့် ပေးလိုက်ရုံနဲ့
လက်ဝဲရင်ခန်းဟာ ရနဲတွေလွှမ်းသွားမှာပါ။
ဒီစကားကို ယုံပါ။
မင်းအတွက် အနှစ်ခုနစ်ရာ မငိုကြွေးနိုင်ပေမဲံ
    အခြေအနေသင့်ချိန်တိုင်း
မြေကြီးခေတ်မှာတောင် ပန်းတွေပွင့်ဖူးပါတယ်။
    သတ္တုအိပ်မက် မက်ခိုက်မှာတောင်
မင်းနာမည်လေးကို အေးအေးငြိမ့်ငြိမ့်ပျိုးကာ
    တေးလိုဆိုပြီး ကိုယ်နိုးထဖူးပါတယ်။
အညတြတေလေတစ်ပါးကို မေ့ထားလိုက်ရင်တောင်မှ
    စကားရိပ်တွေကို မမေံပါနဲ့လား........၀တ်မှုန်ရယ်။

        (၃)
တစ်နေရာရာက...................
(အတိအကျဆိုရရင် လက်ဝဲဖက်အသင်င်္ချေယျကောသက)
တစ်စုံတစ်ယောက်အတွက်
(ငါ့ကို ၀ုန်းခနဲတောက်အောင် ပန်းနဲ့ရှို့သွားသူ)
လွမ်းရာသီအိပ်မက်တို့ ၀န်းပပြီး
သက်ပြင်းမှီသလောက်
    မျှော်လင့်ချင်းတစ်ဆုပ်သာသာ
လျှံလွင်လင်းလဲ့လို့
    ရင်ရိုင်းရူးရုံရဲရရင်................
ကိုယ်ဟာ.........လိပ်ပိန်တစ်ကောင်ဖြစ်ခဲ့ပေါ့.........။        ။
>>(၀တ်မှုန်တစ်စက်အတွက်ပွင့်သောမီး၊ဘုန်းသန့်ခန့်)

ဒီတေးအဟောင်းလေးကိုပဲ
    တမ်းတမွေ့လျော် ဆိုမိတယ်.........။
ငါ.........အိုမာခရမ်ရဲ့ ကဗျာတွေကို
    မဖတ်ဖူးပါဘူး။
ဒါပေမဲ့.....
မင်းကိုတော့ ပန်းလို ကြည့်နေဖူးတယ်။
အဝေးက.........ဟိုး..........အ.......ဝေး.........ကြီး.........ကပေါ့
ဒီဇင်ဘာ (၃၁)က၊ ဇန်န၀ါရီ (၁)ရက်ကို ငေးသလိုမျိုး၊
မိုးစက်ကြွေလေးက တိမ်ဆိုင်အုပ်အုပ်ကြီးကို လွမ်းသလိုမျိုး၊
ငါ...........ငေးရီလှိုက်ဖိုနေပါတယ်........။
မင်းသိချင်.........သိပါလိမ့်မယ်........၀တ်မှုန်
ငါဟာ ငါ့ကိုယ်ငါ စိတ်ပိုင်းပြီး
တစ်စတစ်စက် မကအောင် လုပ်ဝံ့သူပါ။
အခြားတစ်ဖက်မှာတော့
    သိမ်းဝှက်ချုပ်တည်း၊စကားတွေ မင်းကြားအောင်
ဟီးမပြနိုင်ခဲ့ဘူး။
တစ်အဏုမြူဝက်လောက်တောင်မှ နှုတ်ဖျားက
စိမ့်စီးယိုမကျတတ်သူ........။
ထားလိုက်ပါ..............
ထား..........ခဲ့.........လိုက်...........စမ်း.........ပါ.........။
ရဲဝံ့မိုက်ရှုးသူတစ်ယောက်ရဲ့.......
လူကြိုက်သိပ်နည်းတဲ့ မျက်ဝန်းတေးကို
ဆံနွယ်တံတိုင်းဆင်ယင် မင်း.........ကာနိုင်ပါတယ်။
Wutt Mhone,
    Tell me only the truth;
don't beat about the bush.
Is there a chance for me, the inferior?
......................as for me____
......................as for me,
There is no cencellation for you
if and only if you go away from me;
As flowers will never abandon  
        their blosoom.
I ploughed my heart Only For Your Smile,
and the Hervest Time belong to only you.
If even the wind may scatter
        with your hate,
I still will keeping my sailing unto you.
>>{A portrait of the sorrow Age (Appendix), Phone Thant Khant}

ကိုယ်ဆက်လွင့်နေပါ့မယ်..........မှော်နှင်းမှုန်ရယ်
အ.................................................................................ဝေး
            ကြီး
မှာလင်းနေစေဦး
မီးအိမ်ကို ညှိမ်းပြီး မင်းကို မက်မက်မူးမူးမော့်မော်ဖူးနေမှာပါ။
ကြိုးတွေပြတ်လို့ အသက်နဲ့ဆက်ထားတဲ့ ဂစ်တာအိုကိုပိုက်
    သူမိုက်တေးပိုဒ်တွေကို တီးခတ်နေဦးမှာပါ။
ထုပ်ပိုးထားတဲ့ ``ကျောက်စာကွဲစ´´ တွေနဲ့အတူ၊
စစ်ရှုံးသူရဲ့ ခါးကျိုးကျသွားတဲ့ အောင်လံတစ်လက်နဲ့အတူ၊
Acqurirs ရဲ့တေးသွားစတွေနဲ့အတူ
        မင်းဆီ.........ဆန်တက်နေဦးမှာပါ.......၀တ်မှုန်.....။

            (၄)
ကိုယ့်ရှေ့က ဖြတ်သွားတဲ့ တိမ်တွေကို
လှမ်းပြောမိတယ်........
လမ်းကြုံရင်တောင် ချစ်သူ အိပ်စက်နေတာလေးကို
    မနှောက်ရှက်ပါနဲ့........။
ဝတ်မှုန်ငယ်.......
မင်းသိချင်မှသိပါလိမ့်မယ်လေ........
ညတွေကို အိပ်မပစ်ဘဲ မင်းအတွက်
ပန်းရုံတောကို ရနံသွင်းပေးနေမိတဲ့ ရက်တွေ.......၊
လမ်းမကြီးထက်ကနေ ဖယ်ဆင်းပေးလိုက်ရပြီးသော
သဲမှုန်တစ်စုနဲ့အတူ ကိုယ်.......
    မီးအိမ်ပြာပြာလေး မှိ်န်ဖျော့ဖျလျပြီး
ကနွဲ့ကယိမ်းလွင့်နေတတ်တဲ့ ခန်းစည်းစတွေရှိမယ့်
မင်းအခန်းငယ်ဆီ ၀ဲဝေ့မှုန်သီငေးနေမိသောညတွေ.......၊
ကိုယ်ပျော်နေပါတယ်................ချစ်ရသောသူရယ်.....
မိုးစက်တွေ ကျလာစအခါမှာ
မြက်ငယ်ပင်လေး စိမ်းစိုလင်းလက်နေသလိုကို
.................................ပျော်နေတတ်ခဲ့ပါပြီ။
တစ်ဖက်တည်းခတ်တဲ့ လက်ခုပ်သံ
    ဘယ်သူမှ မကြားလိုက်ရပေမဲ့
လေညင်းလေးတွေ သိပါရဲ့လေ။
ပြီးတော့............
    ငါ့ရဲ့.........ကြယ်ညိုနှစ်စင်းလည်းသိမှာပါ။
ဒါပေတဲ့ကွယ်............
အညတြအန္ဒတွေရဲ့ သမိုင်းစာမှာတောင်
ခပ်ညံ့ဖျင်းအန္ဒစာရင်းဝင်တဲ့ ကောက်လေးကို
.    .    .    .    .      --        .      .    .      .    .
.         .           .        --                 .      .            .     .
.    .    .    .    .             --        .   .              .    .
.         .         .               --    .      .            .         .
.    .    .    .    .        --    .      .    .     .     .  

ကိုယ်အတွက်ကတော့
    မတော်တဆ မျက်ဝန်းတစ်ချက်မှာ
တစ်တပ်လုံးပျက်လို့မ
လက်ထဲက တိုက်ပွဲဝင်ဓားတောင်
မင်းဖ၀ါးအောက် ပျော်စီးကျသွားပါပေါ့.......




ကိုယ့်ဘုရင်ကိုလဲချပစ်ရင်း

        (၅)
တခါတစ်ရံမှာတော့ တမ်းတမိတတ်တာပါပဲ..........
တလဲ့လဲ့တောက်နေတဲ့
တပင်တိုင် ဖယောင်းတိုင်တိုကို တွေတွေကြီးငေးရင်း၊
ကိုယ့်စိတ်ထဲက တမ်းတတီတာ ပြောချင်တာတွေကို
    နားစိုက်ထောင်ပေးမယ့်...........ချစ်သူ
ဘယ်လိုဒေသမှာ ဘယ်ပုံနန်းစိုက်နေပါလိမ့်လဲ။
နံရံတွေထက်က စိတ်ထိတိုင်းပွင့်ပွင့်လာရတဲ့
Graffiti တွေကလည်း ကိုယ့်ကို
    ခပ်စူးစူးစိုက်ကြည့်လို့နေကြပြီ။
ထောင့်တစ်နေရာမှာ ကုပ်ကပ်ကွေးနေရပြီးသော
    သတ္တုဗူးခွံတစ်ခုဟာ
တစ်ချိန်တုန်းကတော့ ခေတ်ကောင်းခဲ့မယ့်ပုံပါပဲ။
    မုယောနှံတို့ကတော့
နှစ်ချို့သိုလှောင်ခံခဲ့ရတာပေါ့လေ။
အိမ်မြောင်တစ်ကောင်ရဲ့ ဆာလောင်စွာ..................
အစာချောင်းရမှု့တွေက ကိုယ့်ဆီကူးစက်လာရဲ့။
    ကိုယ်လည်း  မင်းအပြုံးတွေကိုဆာတယ်.......၀တ်မှုန်။
ပြီးတော့..........
    သူကန်းတစ်ယောက်လို ၀ိုးတိုးစမ်းတမ်းလွမ်းရပေါ့။
အကောင်းဆုံး လုပ်နိုင်တာက
    ``မီးတောက်ရစ်သမ်´´ကို
``သတ္တမမျက်ဝန်း´´တွေနဲ့ တမြေ့မြေ့ဖတ်မိနေပြန်တာပါ။
နောက်ဆုံး           မှာ    ဖြုတ်ခနဲဆို ကျိုးကျ
    လမ်းမက ဂျပ်ပစီမီးတိုင်ကြီးအောက်မှာ.............ငါ
    .....    .....    .....    .....    .....    
....        .....        .....        ....
....    .....    .....    .....    .....    .....    ....
....        .....        .....        ....
အို................ပန်းရုံရနံရှင်
တေလေတစ်ဆူရဲ့ စွမ်းဆောင်နိုင်သမျှဟာ
သခင် မဖတ်မိမဲ့ ဤစာပိုဒ်နွမ်းတွေရယ်သာ။
လမ်းကိုရှာ ကမ်းတွေပျောက်ရှ
ဗို့အားမပြည့်တဲ့ အလင်းနဲ့ ညတွေပဲ ပုံစု။
    လက်ခုပ်နဲ့ ခပ်ယူလိုက်သော သမုဒ္ဒရာတောင်
လက်ချောင်းကြားက ယိုစိမ့်..........။
    ရှေးကချစ်သူတွေရော............................
လွမ်းတဲ့ရက်တွေမှာ အိပ်ပျော်အိပ်မက်မက်ခဲ့ကြသလား။
မိုးစက်ရုံတိမ်တို့ရေ...........
    ဖြစ်နိုင်ရင် ငါ့ကို ရွာပေးပါ။
မိုးစက်တွေကို ငေးလိုက်၊
ခေါင်းအုံးငယ်ကို ထွေးပိုက်ရင်း
အပြင်ကို ခဏလေး
    ချစ်သူငေးမယ့် အခိုက်မှာ
မိုးစက်တွေအစား
    ငါ့ကိုတွေ့သွားစေချင်ရဲ့။
မနှောက်ယှက်ဝံ့ပါဘူး..........၀တ်မှုန်
    မထူးခြားသလိုသာ
      ဆက်ဖတ်ပါ။
ကိုယ်ကတော့ ပျော်ပျော်လေးပဲ
    မြေနဲ့ဝင်တိုက်
ရင်ကိုခွဲရင်းမိုက်ပစ်မယ်။
နောက်တော့
    .................
    .................။

        (၆)
ပါးပါးလေးလူးထားတဲ့
    ရင့်မှုန်လင်းတောက်သော အပြုံးကိုချီ
ချစ်သူကြွလာတယ်။
(ကြွလာတယ် ဆိုတာက ၀ံ့စားရဲ့ဝင့်စွာ
    လှမ်းလာတာကို ဆိုချင်တာပါ။
လူးလှပ်ရှပ်ပြာလာတာ မဟုတ်ရပါဘူး။)
ဟုတ်တာပေါ့............
သူမဟာ ကြွေကျလာရသည့်
သောကြာနတ်ဘုရင်မလေးကိုး...........။
ကိုယ်ကတော့ ငိုက်စိုက်
ဓာတ်တိုင်အောက်က အိမ်ယာမဲ့ခွေးတွေနဲ့အတူ
ချစ်တဲ့စိတ်ကို မလုံမလဲဖုံးရင်း
    စက္ကန့်နဲ့အတူ ရူးရပြန်ရဲ့။
ဒီလိုအက်ကြောင်းထပ်နေမဲ့
    ဓာတ်ပြားတွေပဲများခဲ့ပါတယ်.......ချစ်သူ။
တိုးတိုးလေး........တကယ့်ကို တိုးတိုးလေးရယ်ပါ။
    ``သိပ်ချစ်တယ် နှင်းဝတ်မှုန်´´။
ငါခြုံထားတဲ့ အမှောင်ဝတ်ရုံကြောင့်
မင်းငါ့ကို မမြင်သိနိုင်ဘူး။
    ကဗျာကရာဆွဲဖွင့်
သြော်..........ငါလွှမ်းပစ်မိရင်လည်း
    ``နေမင်း´´ပျောက်သွားရတော့မယ်။
ဒီအတိုင်းပဲ ဆက်၍
    မင်းကို မှောင်ခိုဆက်ချစ်နေတော့မယ်ကွယ်။
တကယ်လို့များသာပေါ့............၀တ်မှုန်
    စိတ်ကူးနဲ့ အိပ်မက်ထိပ်တိုက်တွေ့ခဲ့ရင်.........
Is 2[I+U]=V?
If I=1x2x3x4x5x6;may be 6!,of course.
U=∫ 15x dx,(0~2)+{√(278784) . [lim (1-cos2θ/θ),θ tend to 0)]}
B=2.25 per 1/μ and μ be micro unit.
V is square root of B.
            ဘုန်းသန့်ခန့်